“F-holdinq”in “Kəpəz”in sponsoru olmaq ehtimalından xəbəriniz var.

Şirkət rəsmiləri bununla bağlı klubun bazasına baş çəkmiş, daha sonra özlüyündə müsbət siqnallar ehtiva edən açıqlamalarla gündəmə gəlmişdi. Ardından Gəncə təmsilçisinin İdarə Heyətinin sədri İlqar Nadiri tərəflər arasında hər hansı rəsmi danışıq olmadığını bildirmişdi.

Görəsən, ötən günlər ərzində bu mövzuda yenilik olubmu? Klubla şirkət arasında danışıqlar başlayıb?

Məsələnin nə yerdə qaldığını öyrənmək məqsədilə “Kəpəz”in mətbuat xidmətinin rəhbəri Azad Mustafayevlə əlaqə saxladıq. O, “Football-plus.az”a “F-holdinq” tərəfindən kluba rəsmi müraciət daxil olmadığını, ümumiyyətlə, mövzuyla bağlı hansısa yeniliyin baş vermədiyini dedi.

KƏNAN BAHADIR