“Zirə”də qış fasiləsinə qədər balanslaşdırılmamış heyət var idi desəm, yanılmaram. Keyfiyyətli müdafiə xətti və bir o qədər də effektsiz hücum xətti. Amma Utziq, Meza Kolli kimi məhz yerli çempionatda təcrübəsi olan oyunçuların gəlişi komandanın oyununda müəyyən balans yarada bildi. Arazın keçidinin nə dərəcədə effektli olacağını demək çətindi, amma ən azı həmin mövqedə rəqabəti artıra bilər. Rəqabət olmayan yerdə isə inkişaf olmur. Ümumiyyətlə, legionerlər üçün tətbiq edilən limit qış fasiləsində klubların əl-qolunu bağlayır. Heç bir klub ideal seleksiya ilə öyünə bilməz. Məhdud büdcə ilə də istədiyin oyunçuları transfer etmək olmur. Adətən, klubların avrokuboklarda oynayacağı dəqiqləşəndə sponsor tərəfindən büdcə artımı reallaşır. Bu da problemli bölgələrə yeni oyunçu cəlb etməyə imkan verir. İstənilən halda seleksiya işi hər “transfer pəncərəsi” vaxtı yox, 4-6 ay əvvəldən aparılmalı, oyunçular izlənməli, geniş və yekun namizədlər siyahısı hazırlanmalıdı”.