Gəncə şəhər stadionunun söküləcəyini, yerində 16 minlik yeni arenanın tikiləcəyini xəbər vermişdik.

"Kəpəz"in mətbuat xidmətinin rəhbəri Azad Mustafayev iki gün əvvəl "Football-plus.az"a açıqlamasında danışıqlar getsə də, növbəti ev matçlarının harda keçiriləcəyi haqda yekun qərar verilmədiyini demişdi.

Görəsən, bu yöndə irəliləyiş varmı? Bunu öyrənmək məqsədilə Azad bəylə əlaqə saxladıq. O, hələ də hansısa klubdan rəsmi razılıq alınmadığını bildirdi.

Xatırlayırsızsa, klub rəsmisi həm də ev matçlarının Tovuz şəhər stadionunda keçirilmə ehtimalının yüksək olduğunu demişdi. Redaksiyamıza daxil olan məlumata görə, hazırda "Turan Tovuz" "Kəpəz"lə danışıqlarda tərəddüd yaşayır. Bu üzdən Gəncə təmsilçisi "Qəbələ" ilə danışıqları intensivləşdirib.

KƏNAN BAHADIR