"Sabah"ın Çempionlar Liqasının 2-ci təsnifat mərhələsində rəqibi KuPS Finlandiya çempionatında meydana çıxıb.

"Football-plus.az" xəbər verir ki, kollektiv VPS-i qəbul edib. Oyun meydan sahiblərinin 3:1 hesablı qələbəsi ilə başa çatıb. KuPS-un heyətindən Xayme Moreno (1), Qustav Enqvall (12) və Joslin Luyeye-Lutumba (29) fərqlənib. Rəqib 63-cü dəqiqədə buraxılan qollardan birinin əvəzini çıxıb.

Finlandiyanın son çempionunun baş məşqçisi Miika Nuutinen bu görüşdə aşağıdakı start heyətinə şans verib: 12. Hemmo Riihimaki, 3. Saku Heyskanen, 33. Taneli Hamalaynen, 23. Arttu Lötyönen, 6. Saku Savolaynen (29. Akseli Puukko, 68), 22. Sayku Turay (10. Valentin Qask, 60), 13. Niilo Kuyasalo, 9. Qustav Enqvall (28. Brahima Maqassa), 21. Joslin Luyeye-Lutumba, 17. Arttu Heynonen (25. Klinton Antvi, 68), 11. Xayme Moreno (20. Pyotr Pajişek, 60).

Göründüyü kimi, mütəxəssis "Sabah"la matçda ehtiyat oyunçular skamyasından meydana çıxanlara və şans qazanmayanlara bu dəfə ilk "11-lik"də şans verib. Sonradan meydana çıxanlar isə Masazırda start heyətində yer alanlardı.

Maraq üçün qeyd edək ki, Finlandiya çempionatında KuPS liderdi, VPS isə 5-ci sıradadı.

KƏNAN BAHADIR