"Təəssüf ki, belə halla rastlaşdıq. Amma Azərbaycan Voleybol Federasiyası indi qollarını bizim üçün çırmalayıb. İnşallah, "Panatinaikos"la cavab görüşü üçün Yunanıstana gedəcəyik. Bu cür hallar komandalardakı ab-hava təsir etsə də, bizdə hər şey fərqlidi. Sizi inandırım ki, legioner oyunçular belə sona kimi burda qalacaqlarını dedilər. Kollektiv olaraq, onlara ilk bura gəldikləri zaman elə şeylər aşılamışıq ki, indi də çətin gündə bizim yanımızdadılar. Düzdü, bizim qədər Şuşa adının mahiyyətini anlamasalar da, başa düşürlər".

"Şuşa adı mənim üçün çox dəyərlidi. Orda vətənin igid oğulları şəhid oldu. İndi bu halla rastlaşsaq da, ruhdan düşməyəcəyik. Mən heç kimdən çəkinmirəm. Həmişə də sözümü deyən adam olmuşam. Hacı Nuran sponsor tapa bilmədi, heç nə, Allah canını sağ eləsin. Ancaq mənim işim kluba sponsor cəlb etmək yox, məşqçi işi görməkdi. Vallah, prezident olsaydım və belə vəziyyətə düşsəydim, maşınımı da satardım. Yenə də deyirəm, mənim hüququm bu deyil. Onun da (Hacı Nuranı nəzərdə tutur – red.) yaxşı ətrafı olduğu üçün kluba rəhbər gətirildi. Heç kimin qara qaşına, qara gözünə aşiq olub bura gətirməyiblər. Mənim federasiyada sözümə hörmət edib, dinləyirlərsə, deməli, Hacının da sözü daha yuxarılara çata bilər. Hətta əziz insanım da səhv olsa, bunu üzünə deyərəm. Şuşaya görə hər şey etməyə hazırıq".