“Fürsətləri qola çevirə bilmədik” – Lənkəran klubunun rəsmisi
"Olduqca maraqlı matç alındı. İki fərqli hissə izlədik. İlk yarıda rəqib üstün oyun nümayiş etdirsə də, hesabı biz açdıq. Fasilədən sonra meydanda ağalıq edən biz olduq. Təxminən 35 dəqiqə rəqibi sıxışdırdıq. Lakin fürsətləri qola çevirə bilmədik”.
Bu sözləri “Football-plus.az” açıqlamasında “Xəzər Lənkəran 42”nin idman direktoru Höccət Hacıyev dedi. Klub rəsmisi Region Liqasının pley-offunda səfərdə “Ağsu-06” ilə heç-heçə etməsini şərh etdi:
“Meydan sahibləri isə bir əks-hücumda bizi yaxalayaraq qol vurdu və bununla da yekun hesabı təyin etdi. Oyundan razı qalsam da, nəticədən narazıyam. Ağsuya qələbə üçün getmişdik. Cavab görüşündə cütün taleyini həll edib növbəti mərhələyə çıxmaq istəyirik".
ABDULLA İSMAYILOĞLU
Digər xəbərlər
