Mahir Emreli karyerasını İtaliyada davam etdirə bilərmiş.

Football-plus.az xəbər verir ki, A seriyasında çıxış edən "Leççe"yə futbolçumuz menecerlər vasitəsi ilə təklif olunub. Lakin "sarı-qırmızılar"ın baş məşqçisi Marko Baroni azərbaycanlı oyunçunu bəyənməyib.

"Tülkülər" bu mövsüm çempionatda 16 oyuna 16 qol vurub. Bu da italiyalı mütəxəssisi ciddi şəkildə narahat edir. "Salentiyalıların" heyətində ən məhsuldar futbolçu Qabriel Espetodu. O, cəmi 5 qol vurub.

"Leççe" rəhbərliyinin əsas hədəfi A seriyasında qalmaqdı. Lakin komandanln hücum xəttində problemin olması işləri çətinləşdirir. Bu səbəbdən də "sarı-qırmızılar" qış fasiləsində heyətini forvardla gücləndirmək niyyətindədi.

İtaliyalı məşqçinin Mahirdən imtina etməsinin səbəbi tez-tez zədələnməsi və son 2 klubunda adının qalmaqallarda hallanması olub.

İLKİN SULTANLI