Türkiyənin dünya çempionatındakı ilk rəqibi olan Avstraliya yığmasından xəbər var.

Türkiyə ilə Avstraliya iyunun 14-də Bakı vaxtı ilə səhər saat 8-də Vankuverdə qarşılaşacaq. Bu arada Avstraliya Futbol Federasiyası baş məşqçi Toni Popoviçin müqaviləsini yeniləmək qərarına gəlib. Bu məşqçinin iyulun 31-də başa çatmalı olan müqaviləsinin müddəti 2027-nin yayına qədər uzadılıb.

Qeyd edək ki, Popoviç adını ölkə futbolu tarixinə yazdırmağa hazırlaşır. O, Almaniyada keçirilən DÇ-2006-da futbolçu kimi Avstraliyanın şərəfini qorumuşdu. İndi isə məşqçi kimi komandanı nəhəng turnirə daşıyıb. Popoviç Avstraliyanı mundialda həm futbolçu, həm də baş məşqçi kimi təmsil edən ilk şəxs olacaq.

52 yaşlı Popoviç 2024-ün sentyabrından ''kenqurular''in baş məşqçisi vəzifəsini icra edir. Bu komanda sonuncu dəfə 2014-də DÇ-də oynuyub. Göründüyü kimi Popoviç bu komandanın həsrətinə son qoymağı bacarıb.

Yeri gəlmişkən, Popoviç qısa müddət Türkiyədə də çalışıb. O, 2017/18-in gedişində 11 oyun ''Karabükspor''un başında yer alıb.