Ötən mövsüm ''Beşiktaş''ın idman direktoru vəzifəsini icra edən, amma Sərgən Yalçın dönəmi bitdikdən sonra istefaya göndərilən Sərkan Rəçbərlə bağlı maraqlı xəbər var.

50 yaşlı futbol adamı bu günlərdə superliqanın debütantı ''Amed SF''də idman direktoru təyin olunmuşdu. Məlum olduğu kimi kimi Diyarbəkir təmsilçisi ''Amed SF'' tarixində ilk dəfə elitada oynamağa haqq qazanıb. Ancaq dünən sürpriz bir olay yaşandı. Belə ki, Sərkan Rəçbər bu klubdan ayrıldığını açıqladı.

Beləliklə, onun yeni klubda macərası cəmi 8 gün çəkdi. İyunun 3-də təyinatı rəsmiləşən Rəçbər iyunun 11-də klubdan ayrıldı.

Belə güman edilir ki tərəflər arasında həm yeni baş məşqçi, həm də transferlər mövzusunda fikir ayrılığı yaşanıb. Çünki Besnik Hasi ilə iyunun 10-da ikiillik müqavilə imzalandı. Albaniyalı mütəxəssis bu posta gətirikdikdən cəmi 1 gün sonra Rəçbər istefa verdi.