Onunla yeni müqavilə imzalanacaqmı? Bu posta başqa kim gətirilə bilər? “İmişli” gələn mövsüm ev oyunlarını doğma şəhərdə keçirə biləcəkmi? “Football-plus.az” bütün bu sualları klubun mətbuat katibi Leyla Behbudluya ünvanlayıb:
“Kaşkilyanın müqaviləsi iyunun 30-na kimi qüvvədədi. Hələ ki o, bizim baş məşqçimizdi. Ehtimal var ki, qarşılıqlı razılıq əsasında müqavilə müddəti uzadılmasın. Yeni baş məşqçi təyinatı ilə bağlı hələ məlumat yoxdu. Bu barədə məlumat əldə olunan kimi ictimaiyyətə bildiriləcək. Stadionla bağlı işlər gedir. Müvafiq qurumlar, şəxslər ilə danışıq aparılır. İyulun 8-də toplanış başlayacaq. Çox güman, bölgələrin birində hazırlıq keçəcəyik. Lakin hələ dəqiq bilinmir”.
Xatırladaq ki, elitanın debütantı “İmişli” 9-cu yeri tutub, “Karvan-Yevlax”, “Qəbələ” və “Kəpəz”i geridə qoyub.
İSRAYIL XEYRULLAYEV
