“Komanda qısa müddətdə toplanıb. Bəzi oyunçular çoxdandı millinin heyətində yer almırdılar. Amma indi yenidən dəvət olundular. Təbii ki, qısa müddətdə tam hazır olmaq mümkün deyil. Amma şükür Allaha, yenə də qələbə qazandıq. İnşallah, növbəti oyunda daha yaxşı olacaq. Yunanıstanla matçda da maksimum nəticə əldə etdikdən sonra hazırlıq üçün daha çox vaxt olacaq. Komandanın ağır olması isə rəqibin daha təcrübəli və uzun müddət bir yerdə oynamasından irəli gəlir. Baxmayaraq ki, bizdə də köhnə oyunçular var idi. Amma dediyim kimi, onlar da heyətə yeni qatılıblar. İnşallah, dünya çempionatına vəsiqə qazanarıq. Yığmanın tam hazır görünməməsinin səbəblərindən biri də bəzi oyunçuların zədədən əziyyət çəkməsi idi. Uzun müddət idi ki, oynamırdılar, fiziki durum, oyun təcrübəsi baxımından geriləmişdilər. İndi hamısı ideal ola bilməz. İnşallah, bu problemlər də yavaş-yavaş aradan qaldırılacaq. Yəqin ki, Yunanıstanla oyundan sonrakı matçlar üçün komanda tam hazır olacaq. Yeri gəlmişkən, sizin vasitənizlə komandamızı təbrik edir, uğurlar arzu edirəm”.