Sənan Qurbanovun yeni klubu müəyyənləşdi - AÇIQLAMA
Son klubu “Keşlə” (indiki “Şamaxı”) olan Sənan Qurbanov PRO kateqoriyalı məşqçi kursunda iştirak edirdi.
Mütəxəssis üzdən İtaliya və İspaniyada səfərdə də oldu. Bu günlərdə isə onun PRO imtahanından kəsildiyi ilə bağlı xəbərlər yayıldı. Maraqlıdı, imtahan nə vaxt keçirilib? Məşqçinin kəsilməsinə nə səbəb olub? Bu haqda məlumat almaq üçün Sənan Qurbanovla əlaqə saxladıq. Onun “Football-plus.az” saytına açıqlaması belə oldu:
“O xəbər necə yayılıb, bilmirəm. Sadəcə, mən “Şamaxı”dan vaxtından əvvəl ayrıldım. PRO lisenziyasının qaydalarına görə isə işsiz olmalı deyiləm. İşim olmalıdı ki, taktiki məşqlər və başqa proseslər getsin. Mən də bununla bağlı “Qaradağ Lökbatan”a müraciət etdim. Sağ olsunlar, müsbət cavab verdilər. Hazırda bu komandanın məşqçilər heyətində yer almışam. Hazırda Lökbatan klubunun heyətində PRO lisenziyası üzrə imtahanları verirəm. Mərhələli şəkildə 2 ay davam edəcək. Bundan əvvəl də səfərlərimiz oldu. O da bir imtahan idi. Öz klubumda verə bilmədiyim imtahanlar dondurulmuşdu. Ona görə hazırda həmin prosesi “Qaradağ Lökbatan”da keçirəm”.
ŞAİR ABDULLA
Digər xəbərlər
