Bu yay ölkəmizi Konfrans Liqasında təmsil edəcək üç klubdan biri olan “Qəbələ”nin eyniadlı bölgədə toplanış keçdiyini ötən saylarımızın birində xəbər vermişdik.

Elmar Baxşıyevin çalışdırdığı komanda artıq hazırlığın ilk mərhələsini başa vurub. Qısamüddətli istirahətə buraxılan kollektiv sabah toplanışın ikinci mərhələsi üçün Türkiyəyə yollanacaq. İyulun 13-nə kimi Boluda olacaq komanda iki yoxlama görüşü keçirməyi planlaşdırır. Qardaş ölkəyə səfər ərəfəsində “qırmızı-qaralar”ın baş məşqçisi ilə əlaqə saxlayıb, həm hazırlığın birinci mərhələsini dəyərləndirməsini istədik, həm də bizi maraqlandıran başqa suallara cavab tapmağa çalışdıq.

- Əvvəlcə iki həftə davam edən Qəbələ toplanışını dəyərləndirərdiz.

- Hazırlığın ilk mərhələsi dünən (srağagün) başa çatdı. İstirahətdən sonra təşkil olunan birinci təlim-məşq toplanışı daha çox futbolçuların kondisiyalarını yaxşılaşdırmaq üçün nəzərdə tutulmuşdu ki, bunu da həyata keçirə bildik. Qısası, hazırlığın ilk mərhələsinin plana uyğun keçdiyini deyə bilərəm.

- Mövsümlərarası fasilədə Səlahət Ağayev, Felipe Santos və İlkin Qırtımovu “rənglərinizə bağlamısız”. Konfrans Liqasında mərhələ adalamaq üçün bu transferlər yetərli olacaq?

- Düşünürəm ki, adını çəkdiyiniz hər üç futbolçu komandaya fayda verəcək. Ancaq elə mövqelər var ki, güclənməyimiz vacibdi. Axtarışlarımız davam edir.

- Klubun idman direktoru Nail Kərimov qəzetimizə açıqlamasında qarşıdakı günlərdə heyətə iki yeni legioner dəvət olunacağını və bununla da transfer çalışmalarına nöqtə qoyulacağını söyləmişdi. Bu yöndə nə yenilik var?

- Qeyd etdiyim kimi, axtarışlarımız davam edir. Diqqətimizi cəlb edən legionerlər var. Ancaq proses danışıq mərhələsindədi. Ümid edirəm ki, yaxın vaxtda istədiyimiz oyunçular düşərgəyə qoşulacaq və heyət tam komplektləşmiş şəkildə məşq edəcək.

- Monteneqrolu Stefan Vukçeviçin məsələsi nə yerdə qalıb? Yarımmüdafiəçinin “Qəbələ”yə dönmək ehtimalı var, yoxsa artıq bu məsələyə nöqtə qoyulub?

- Stefanın məsələsində heç bir yenilik yoxdu.

- Konfrans Liqasının ilk mərhələsində rəqibiniz olan “Fehervar” barədə ətraflı məlumat toplaya bilmisiz?

- Macarıstan klubunun başa çatan mövsümdəki çempionat oyunlarına baxmışıq. Ancaq bildiyiniz kimi, bu yay onların da heyətində müəyyən dəyişikliklər olub. Bəzi futbolçularla vidalaşıblar, kollektivə yeni qoşulanlar var. Bizim kimi, onların da qarşıda yoxlama görüşləri olacaq. Çalışacağıq həmin matçları gözdən qaçırmayaq. Yalnız ondan sonra ətraflı məlumatın olub-olmadığını demək mümkündü. Hələ ki dolgun informasiyamız yoxdu.

- “Fehervar”ın çempionat matçlarını izlədiyinizi bildirdiz. Gördüklərinizə əsasən Konfrans Liqasındakı rəqibinizi premyer-liqada çıxış edən hansı komandaya bənzətmək olar?

- Macarıstan təmsilçisi barədə ilk təəssürat belədi ki, hər xətti balanslaşdırılmış komandadı. “Fehervar”ı bizim premyer-liqada oynayan hansısa kollektivlə müqayisə etməyim düzgün olmaz. Həm topla oynamağı xoşlayırlar, həm də atletik cəhətdən yaxşı təsir bağışlayırlar. Təkrarçılıq olmasın, daha ətraflı bilgiyə yoxlama görüşlərini izlədikdən sonra sahib olacağıq. İndi qarşıya qoyduğumuz əsas məqsəd daha yaxşı hazırlaşıb, Konfrans Liqasında layiqli çıxış etməkdi.

- Kollektivin iki aparıcı üzvü – Ürfan Abbasov və Yaovi Akakpo zədə səbəbindən toplanışın ilk mərhələsini boşa verdi. Hazırda hər iki futbolçunun bərpa prosesi keçdiyi söylənilir. “Fehervar”la oyuna qədər sıraya dönə biləcəklər?

- Adını çəkdiyiniz futbolçuların Konfrans Liqasının ilk mərhələsinin oyunlarında olmayacaqları dəqiqləşib. Ürfanın dönüşü sentyabra nəzərədə tutulub. Yaovi isə 4 həftə gözləməli olacaq. Əlbəttə, hər ikisi komandanın aparıcı üzvüdü. Ancaq onların sağlamlığı ilə risk edə bilmərik. Tam bərpa olunandan sonra bizimlə olacaqlar.

- Bugünlərdə mətbuatda “Qəbələ”nin maliyyə sıxıntısı çəkdiyi barədə xəbərlər yazılır. Bu problem Konfrasn Liqasında çıxışa təsir edə bilər?
- Əlbəttə, maliyyənin vaxtında ödənilməsi futbolçuların motivasiyasına təsir edir. Ümid edirəm ki, qarşıdakı günlərdə problem həllini tapacaq və komanda avrokubok qarşılaşmasına daha istəkli hazırlaşacaq.

RƏŞAD

Son xəbərlər

Zaniolo "Tottenhem"ə keçmədi

Dadaşovun bərabərlik qolu - VİDEO

Renat Dadaşov komandasını məğlubiyyətdən xilas etdi

Baneqa La Liqa yolunda

Abakarov gümüş medal qazandı - KONYA-2021

"Sumqayıt"dan yeni transfer

"Növbəti mərhələyə adlasaq, hər cür söz verəcəm" - Laurentsiu Regekampf

İdmançılarımızdan daha iki medal - KONYA-2021

“Bizi çətin oyun gözləyir” - Yusuf Laval

Güləşçilərimizdən 3 qızıl medal - KONYA-2021

"Neftçi" ilə oyun maraqlı olacaq" - Patrik Qrayl

"Neftçi"nin özünəməxsus oyun tərzi var" - "Rapid"in baş məşqçisi

Millimizdən 5-ci medal - KONYA-2021

"Neftçi"dən azarkeşlərə müraciət

"İnter"dən "Sassuolo"ya

"Nyukasl" "Çelsi"nin futbolçusunu istəyir

"Qəbələ"dən növbəti transfer

Mariya Stadnik finalda

Leyla Əliyeva güləşçilərimizin çıxışlarını izləyir

PSV-nin futbolçusu "Mançester Yunayted"ə keçə bilər

Hacı Əliyev gümüş medalı təmin etdi

Millimiz Əfqanıstana qalib gəldi

"Neftçi" səfər oyunlarında problem yaşayır" - "Rapid"in baş məşqçisi

"Heyətimizə əsasən gənclər dəvət olunub" - Millimizin üzvü

"Qarabağ" - "Viktoriya" matçının vaxtı açıqlandı

"Qarabağ"ın qələbəsində gözlənilməz heç nə yoxdu" - Yuri Syomin

FFF Qaltyenin PSJ ilə müqaviləsini tanımadı

İngiltərə premyer-liqasının ilk turunda qeydə alınan maraqlı faktlar

“Real”dan “Jirona”ya keçdi

Silva Barselonada ev axtarır

“Napoli” Ruisi də itirir

"Qarabağ"ın rəqibi pleyy-offa belə yüksəldi - VİDEO

Millimiz oynamadan qələbə qazandı - İslam Oyunları

Sahil Babayev boks millisinin üzvləri ilə görüşdü - FOTOLAR

"Misli" ilə PFL arasında müqavilə imzalandı

Kadi Borges bu göstəricidə birincidi - Çempionlar Liqası

“Ayntraxt”ın ilk, “Real”ın 8-ci cəhdi - YENİLƏNİR

"Daha çox "Ferentsvaroş"la oynamaq istəyirdim" - "Viktoriya"nın baş məşqçisi

"Qarabağ" bu göstəricilərlə ÇL-də birincidi - Statistika

"Belə tez dağılmamalı idik" - "Ferentsvaroş"un futbolçusu

"Neftçi" Avstriyaya yola düşdü

"Hələ Çempionlar Liqasında oynamağa hazır deyilik" - "Ferentsvaroş"un futbolçusu

"Qarabağ"ın qələbəsi Azərbaycanın xalını artırdı

"Rəqibin yaxşı imkanları var idi" - Zubir

Qurban Qurbanov: "Çexiya klubları çox intizamlı olurlar" - MÜSAHİBƏ

Bütün xəbərlər