Dünəndən hazırlığa start verən “Sumqayıt”ın doğma şəhərdə məşq etdiyini xəbər vermişdik.

Onu da bildirmişik ki, təlim-məşq toplanışının ilk mərhələsini vətəndə keçirməyi planlaşdıran “kimyaçılar” iyulun 16-da Türkiyəyə yollanacaq. Aleksey Baqanın çalışdırdığı komanda toplanışın ikinci mərhələsi üçün Bolu bölgəsini seçib.

Klubdan əldə etdiyimiz məlumata görə, “gənclik şəhəri”nin təmsilçisi toplanışın birinci mərhələsi çərçivəsində bir yoxlama görüşü keçirməyi planlaşdırır.

Artıq rəqib də məlumdu. “Kimyaçılar” iyulun 8-də “Kapital Bank Arena”da “Sabah”la qarşılaşacaq. Matçın tarixi və məkanı məlum olsa da, başlama saatı hələ dəqiqləşməyib.

RƏŞAD