Mövsümlərarası fasilədə əksər aparıcı futbolçuları ilə yolları ayıran “Sumqayıt”ın bu müddətdə yalnız Vüsal İsgəndərli ilə anlaşdığını xəbər vermişdik.

Onu da bildirmişik ki, yeni mövsümdən “kimyaçılar”a legioner transfer etmək də icazəsi verilib. Bəlkə də bu üzdən klub rəhbərliyi “transfer bazarı”nda tələsmək istəmir və heyətə yeni oyunçu dəvət etmək yönündə axtarışlarını davam edtdirir. Artıq deyəsən, ilk işartılar da görünməkdədi.

Etibarlı mənbədən “Football-plus.az” saytına verilən məlumata görə, dünən gecə “gənclik şəhəri”nin təmsilçisinin dəvət ilə moldavalı futbolçu Azərbaycana gəlib.

Adı çəkilən ölkənin yığmasında 4 oyun keçirən Aleksandr Belausov müqavilə ilə “Şerif”ə məxsus olsa da, son 3 ayı icarə əsasında “Sıfıntul George”də çıxış edib. 25 yaşlı sağ cinah müdafiəçisi ikili vətəndaşlığa sahibdi. Onun Moldova ilə yanaşı, Rusiya pasportu da var. Mənbəmiz onu da bildirdi k, Belausov bir müddət baxışda olacaq. Ümidləri doğruldacağı halda onunla müqavilə imzalanacaq.

RƏŞAD