Xəbər verdiyimiz kimi, təlim-məşq toplanışını Sloveniyada davam etdirən "Neftçi" dünən növbəti yoxlama oyununu keçirdi. Serbiya "Radniçki"si ilə qarşılaşan "ağ-qaralar" böyükhesablı qələbəyə sevindi (3:0). Paytaxt təmsilçisinin heyətindən Breno Almeydo dubl etdi. Ağadadaş Salyanski isə fərqi darmadağın həddinə çatdıran isim oldu.

"Football-plus.az"ın məlumatına görə, "Neftçi"nin baş məşqçisi bu matçda aşağıdakı heyətin xidmətindən yararlandı:

1. Emil Balayev (93. Rza Cəfərov, 46), 5. İqor Ribeyro (17. Murad Xaçayev, 60), 6. Sessi D’Almeyda (18. İfeanyi Metyu, 60), 8. Emin Mahmudov (K) (7. Emil Səfərov, 46), 11. İmad Faraj (97. Bassala Sambu, 60), 20. Qustavo Klisman (4. Elvin Camalov, 60), 24. Mustafa Sek (3. Rüfət Abbasov, 60), 29. Lyubomir Tupta (82. Məhəmməd Məmmədli, 80), 33. Breno Almeyda (19.Ağadadaş Salyanski, 71), 55. Endryu Qravilyon (80. Aslan Şirinov, 71), 77. Falaye Sako (14. Elvin Bədəlov, 46).

Şans qazanmayan futbolçular: 13. Kenan Piriç, 81. Məhdi Həsənov, 91. Nurəziz Əzizov, 70. Andrey Ştoqrin.

Siyahıdan da göründüyü kimi, ötən - "Partizan"a qarşı oyunda meydana çıxmayan Piriç bu dəfə də ehtiyar oyunçular skamyasında qalıb. Bu məqamın Rza üçün yeni səhifə aça biləcəyi göz önündədi. Ribeyro, Metyu, Klisman, Tupta, Qravilyon, Emin, Breno və Sek isə yeni mövsüm üçün start heyəti seçiminin əsas namizədləridi. Vernidubun "qol silahı" kimi konkret Sakodan, yoxsa Sambudan yararlanacağını təxmin etmək isə çətindi. Müdafiə xəttinin aparıcı üzvü olmaq yönündə isə d'Almeydanın şansını daha yüksək qiymətləndirmək olar.

Xatırladaq ki, iyulun 2-də ÇFR (1:2), 6-da isə “Partizan”la (0:1) qarşılaşmış "ağ-qaralar" 13-də “Osiyek” ilə üz-üzə gələcək. Moravske Toplitse şəhərindəki "Hotel Livada Prestige"də məskunlaşan bakılılar iyulun 14-də paytaxta qayıdacaq.

KƏNAN BAHADIR