Fərid Türkiyə klublarından təklif alıb - AÇIQLAMA
“Neftçi" İK-in U-16 komandasının hücumçusu və kapitanı Fərid Şahhüseynli başa çatan mövsümün ən məhsuldar oyunçusu olub.
Görəsən, yığmaya da çağırılan Fərid məşqləri dərslərlə paralel necə çatdırır? Bu suala cavab tapmaq üçün onunla əlaqə saxladıq. Fəridin “Football-plus.az” saytına açıqlaması belə oldu:“Neftçi" İK-in kapitanıyam. Komandamız bu il 4-cü yeri tutdu. 24 oyunda 40 qol vuraraq çempionatın bombardiri oldum. Əvvəlki illərdə də U-10-dan U-17 liqasına qədər bombardirlər siyahısında yer almışam. Ötən il pandemiyaya görə çempionat yarımçıq dayandırlsa da, hamıdan çox fərqlənmişdim. Buna görə də komanda yoldaşlarıma minnətdaram. Millinin heyətində Malta toplanışında iştirak etmişəm. Bu komanda ilə hər iki görüşdə oynamışam. Yarışlar əsasən həftəarasına düşürdü. Təlim-məşq toplanışları olurdu. Ona görə də məcburiyyətdən bəzi dərsləri buraxdım. Nərimanov rayonundakı Ankara məktəb-liseyində oxuyuram. Sizin vasitənizlə məktəbimizin direktoru Səmayə Eynullayevaya, sinif rəhbərim Pərvanə Səmədovaya təşəkkür edirəm ki, həm futboldan, həm də dərslərdən geri qalmamam üçün şərait yaradırlar. Hətta bəzən buraxdığım dərsləri əvəz etmək üçün əlavə dərslər də salırlar”.
Fərid təkliflər aldığını da bizimlə bölüşdü:“Türkiyədən 2 komanda təklif göndərib. Azərbaycan klublarından da bir neçə təklif almışam. Çalışacam ki, düzgün qərar verim. Bu, gələcəyim baxımından önəmlidi".
ŞAİR ABDULLA
Digər xəbərlər
