2 tur öncə 9-cu çempionluğunu rəsmiləşdirən "Qarabağ" bu gün "Dreamland" qolf adasında təşkil olunan tədbirdə uğurunu qeyd edib.


"Bu gün bizim üçün qürurverici gündü. İki cəhətdən çox xoşbəxtik. Əvvəla ona görə ki, hər zaman azad Qarabağı təmsil etməyimizi istəyirdik. Cənab Prezident 44 gün ərzində bizi qələbəyə istiqamətləndirdi. Bir müəssisədə düzgünlük yoxdusa, uğur da olmaz. Qurban Qurbanov da saf niyyətlə "Qarabağ"ı çempion etdi. Çox xoşbəxtəm, futbolçulara salam deyirəm. Bizə çox gözəl günləri yaşadan bütün əməkdaşlarımıza təşəkkürümü bildirirəm.

Daha sonra Ağdam təmsilçisinin prezidenti Tahir Gözəl jurnalistlərin suallarını cavablandırıb.

- Komandanız çempion oldu. Ölkə kubokunu qazanmaq şansınız da var. Həm çempionluq, həm də bu mövsümdəki yarış barədə təəssüratlarınızı bilmək maraqlı olardı...

- Başda klubumuz olmaqla, hər kəsi çempionluq münasibətilə təbrik edirəm. Mənim üçün ən sevindirici hadisə odur ki, bu, "Qarabağ"ın torpaqlar azad olunduqdan sonra ilk çempionluğudu: "Müstəqil Ağdamın təmsilçisi kimi ilk kubokumuzu qazandıq. 2021-ci ildən bu fikirləri səsləndirirdik ki, xəyalımız Qarabağa getmək, qələbəmizi öz vətənimizdə qeyd etməkdi. Artıq buna nail olduq. Təbii ki, bu, Cənab Prezidentin, xalqımızın sayəsində gerçəkləşən möcüzədir. Hələ də inanmaqda çətinlik çəkirəm. Şükürlər olsun ki, bunu bacardıq. Ona görə də mənim üçün heç vaxt unudulmayacaq qalibiyyətdi. "Qarabağ" tarixində bir çox ilklərə imza atmış komandadı. İnanıram ki, bu sabitlik və təcrübə ilə yenə də Çempionlar Liqasında qrupa düşərik.

- Yeni transferlərlə bağlı məlumat verə bilərsiz?

- Xeyir. Çünki ölkə xaricindən yeni gəlmişəm. Bu tədbirdən sonra Qurban Qurbanovla görüşüb transfer məsələlərini müzakirə edəcəyik. Bizdə tamamilə peşəkar idarəetmə sistemi var. Baş məşqçi ilə ümumi durumu dəyərləndirəcəyik. Amma vaxtımız çox azdı. Bu da bizə radikal dəyişikliklərə imkan vermir. Bəzi futbolçularımızla danışıqlar davam edir. Onları saxlamaq alınıb-alınmayacaq, bilinmir. Bunun həyəcanını yaşayırıq. Artıq komandanın özəyi formalaşıb. Güman edirəm ki, bu sabitliklə yenidən iddialı olacağımıza inanıram. Gəlin, sizə öz ürək sözlərimi deyim. Yəqin ki, hamınıza maraqlıdı, bundan sonra necə olacaq? Bu mənəvi gündə Qurban hoca ilə söhbətimiz oldu. Bu, reallıqdı ki, "Qarabağ" Azərbaycan millisinə ən çox futbolçu verən klubdu. Amma mən yığmanın hər birimizin ümid etdiyi və layiq olduğu uğurları qazandığına inanmıram. Bu mənada görməli olduğumuz işlər çoxdu. "Qarabağ" bundan sonra Azərbaycan millisinin uğur qazanmasında və yerli futbolçuların yetişməsində real iş görməlidi. Artıq özümüzə qayıtmalıyıq. Qarşıdakı 4-5 ildə qarşımıza mütləq hədəf qoyacağıq ki, komandamız millinin inkişafında öz məsuliyyətini hiss edərək oynasın. Ona görə də növbəti məqsədlərimiz Çempionlar Liqasında 2-3 mərhələ keçmək yox, oyunçu yetişdirmək olacaq.

- Qarabağ torpaqlarından söz açdınız. Ağdamda yeni stadion tikiləcək. Çox maraqlıdı, bu barədə klub səviyyəsində müzakirəniz olub?

- Bəli. Atam Gözəlin də dediyi kimi, ermənilər işğal altındakı torpaqları talan ediblər. Həmin ərazilər illərlə diqqətdən kənarda qalıb. Sevindiricidi ki, Cənab Prezident bizimlə görüş zamanı stadionun inşası ilə bağlı nazirliklərə tapşırıq verdi. Mən də həmin görüşə dəvət olunmuşdum. "Qarabağ" klubu olaraq, əlimizdəki bütün imkanlarla bu yolda canla-başla işləyəcəyimizi bildirdim. Əminəm ki, Ağdamda tezliklə gözəl stadion tikiləcək. Bütün oyunlarımızı orada keçirib-keçirməyəcəyimizi bilmirəm. Amma əsas matçlarımızı orada oynayacağıq. Mənim ən böyük arzum budu.

“Qarabağ” klubunun direktoru Emrah Çelikel çıxış edərək “Qarabağ”ın ilk dəfədir azad Qarabağın dönəmində çempion olduğunu deyib:

"Qarabağ"ın baş məşqçisi Qurban Qurbanov isə çıxışında oyunçulara və klub rəhbərliyinə təşəkkür edib və onlara uğurlar arzulayıb.

Tədbir "Qarabağ" formasını geyinmiş musiqi qrupunun çıxışı ilə davam edib.