“Klub 1-ci liqada iddialı olmaq istəyirsə, bir neçə tələb yerinə yetirilməliydi” – Fizuli Məmmədov danışdı
Misli premyer-liqasını tərk edən “Karvan-Yevlax”ın “İmişli” ilə oyunundan sonra baş məşqçisi Fizuli Məmmədov rəhbərliklə görüşəcəyini və yalnız bundan sonra taleyinə aydınlıq gələcəyini demişdi. Məmmədov artıq istefaya göndərilibsə, deməli, görüş onun ürəyincə olmayıb.
Fizuli bəyin “Football-plus.az”a açıqlaması: “Son mətbuat konfranslarında da mən klubla görüşün keçiriləcəyini söyləmişdim.
“Karvan-Yevlax”dan ayrılmaq ehtimalım böyük olsa da, hələ direktorla görüşümüzün olacağı müəyyən ümid verirdi. Klub 1-ci liqada iddialı çıxış etmək istəyirsə, bir neçə tələb yerinə yetirilməliydi. Bəzi şərtlər uyğun gəlmədiyindən yollarımız ayrıldı. Klub bunu yeni açıqlayıb, hələ ki təkliflər yoxdu. Olsa, dəyərləndirəcəm”.
İSRAYIL XEYRULLAYEV
Digər xəbərlər
