Misli premyer-liqasının 33-cü turunda “Karvan-Yevlax” səfərdə “İmişli” ilə heç-heçə etdi – 1:1.

Yevlaxlıların baş məşqçisi Fizulu Məmmədov oyunsonrası mətbuat konfransında media önünə çıxdı.

- Oyunun əhəmiyyəti olsa da, futbolçular qalib gəlmək istəyirdi. Yaxşı oynadıq. Təəssüf ki, komandamız 1-ci liqaya yuvarlandı. Rəhbərliyə və futbolçulara təşəkkür edirəm. Gələcəkdə işləri uğurlu olsun.

- Komandada işə davam edəcəksiz? Etsəz, dəyişiklik olacaq?
- Çox istəyirəm ki, 1-ci liqada iddialı, elitaya iddialı olaq. Bu barədə rəhbərliklə görüş olacaq. Davam etmək istəyirəm. Yaxşı futbolçularımız var. Əsas rəhbərliyin istəyidi.

- Durrantla davam edəcəksiz?
- Bir oyunla qiymətləndirmək olmaz. Çətin oyun idi. Durrant elə futbolçudu ki, daha effektli ola bilər. Psixoloji cəhətdən komandanı kökləmək çətindi. Son bir həftədə futbolçuları toparlamaq çətin idi. Durrantın müqaviləsinin müddəti başa çatır, ona uğurlar arzulayıram.

- Cəlbedici təklifləriniz var?
- Əsas bu klubla danışacam.

MÜZƏFFƏR QULUZADƏ