“Hara baxırlar, hakimləri hardan göndərirlər, bilmirəm” – yenə də narazılıq
2-ci liqa təmsilçisi “Şəmkir”də vəziyyət elə də yaxşı deyil.
Çempionatın 13-cü turunda bu komanda evdə “Quba”ya uduzdu – 0:1. Maraqlıdı ki, oyunun iştirak ərizəsində “Şəmkir”in cəmi 15 futbolçusu yer almışdı. Baş məşqçi Rasim Əliyev sona yaxın bir dəyişikliyə əl atdı, qalan üç futbolçunun xidmətinə ehtiyac duymadı.
Belə futbolçu qıtlığının səbəbi nədi? Qışda yeni futbolçuların gəlmək ehtimalı varmı?
Klub prezidenti Vüsal Məmmədovla əlaqə saxladıq:
“Qışda güclənmək istəyirik. Hətta köklü dəyişikliklər olacaq. Zədəlilərimiz çoxdu. Ona görə futbolçularımıızın sayı azdı. Amma “Quba”ya hakim haqsızlığına görə uduzduq. Üç penaltimizi vermədilər. Hara baxırlar, hakimləri hardan göndərirlər, bilmirəm. Uşaqların əziyyətini yerə vurdular”.
MÜZƏFFƏR QULUZADƏ
Digər xəbərlər
