29-cu tur çempionun adına aydınlıq gətirdi.

Bunun üçün lider “Dinamo”nun səfərdə “Çernomorets”ə uduzmaması lazım idi. Kiyevlilər bunu bacarmaqla tarixində 17-ci dəfə ölkə çempionu oldu. “Şaxtyor”un 15 çempionluğu var. Müstəqil Ukraynanın ilk çempionu isə “Tavriya”dı. Bununla da “Çernomorets”in elitadan getməsi rəsmiləşdi. Start heyətinə yer alan Emil Mustafayev 63-cü dəqiqədə əvəzləndi.

Hazırda 4 komanda elitadan getmək təhlükəsi yaşayır. Bunlar “İnqulets”, “Levıy bereq”, “Vorksla” və “Obolon”du. Bu komandalardan biri birbaşa aşağı yuvarlanacaq, daha biri keçid oyunlarında gücünü sınayacaq.

Hesabat turunda “Aleksandriya”nın tarixində ilk dəfə 2-ci yeri tutması da rəsmiləşdi. Ruslan Rotanın komandası evdə “Veres” üzərində inamlı qələbə qazandı.
“Şaxtyor” isə səfərdə “İnqulets”i darmadağın etdi. “Dinamo”, “Aleksandriya” və “Şaxtyor”un avrokuboklarda oynayacağı bəllidi. Konfans Liqasına iddialı olan qalan komandalar bu dəfə fərqli nəticə göstərdi. Səfərdə “Kolos”a uduzan “Karpatı” bu mübarizədə geri düşdü. Baxmayaraq ki, lvovlular artıq 10-cu dəqiqədə hesabı açmışdı. “Karpatı” son turda qələbə qazanmaqla yanaşı, KL-ə vəsiqə uğrunda mübarizədəki rəqiblərinin – “Polesye” ilə “Krivbass”ın duelində hansı nəticənin qeydə alınacağını gözləməlidi.

Bu tur həm “Polesye”, həm də “Krivbass” qələbə qazandı. Jitomirlilər səfərdə “Zarya”nın, Krivoy-Roq təmsilçisi isə evdə “Obolon”un müqavimətini qırdı.
“Levıy bereq” “Ruxa” qalib gəlməklə elitada qalmaq şansını bir qədər artırdı. LNZ – “Vorskla” oyununda isə qapılara qol vurulmadı. Amma bu 1 xal LNZ-nin növbəti mövsüm də güclülər arasında yer almasını təmin etdi. Bu mənada “Vorskla”nın perspektivi daha dumanlıdı. Bizə də yaxşı tanış olan Yuri Maksimovun çalışdırdığı komanda son turda elitada qalmaq üçün dəridən-qabıqdan çıxacaq “İnqulets”in qonağı olacaq.

29-cu tur
Çernomorets – Dinamo 1:1
Xoblenko, 68 – Yarmolenko, 54.
Dinamo: Neşeret, Vivçarenko, Mixavko, Popov, Tımçik, Buyalski (Pixalenok, 81), Mixaylenko, Yarmolenko (Voloşin, 66), Vanat, Kabayev, Şaparaenko (Brajko, 66).

İnqulets – Şaxtyor 1:4
Voloxatı, 17 – Bondarenko, 3; 90+1. Sudakov, 67; 70.
Şaxtyor: Tvardovski, Azarov, Bondar, Vinisius (Nazarina, 43), Farina (Arroyo, 70), Bondarenko, Krıskiv, Sudakov (Sukanov, 76), Santana (Şved, 82), Neverton (Kevin, 70), Elias (Traore, 70).

Aleksandriya – Veres 3:1
Sara, 4; 21. Kovakets, 36 – Qayduçik, 47.

Kolos – Karpatı 2:1
Veleten, 55. Qaqnidze, 89 – Krasniçi, 9-öz qapısına.

Zarya – Polesye 0:1
Batista, 33.

Krivbass – Obolon 1:0
Kuzık, 47.

Levıy bereq – Rux 1:0
Şastal, 15.

LNZ – Vorskla 0:0

1. Dinamo 29 20 9 0 60-18 69
2. Aleksandriya 29 20 6 3 46-22 66
3. Şaxtyor 29 18 7 4 68-25 61
4. Polesye 29 12 11 6 37-27 47
5. Karpatı 29 13 7 9 41-33 46
6. Krivbass 29 13 7 9 33-25 46
7. Rux 29 9 10 10 29-26 37
8. Zarya 29 11 4 14 31-38 37
9. Veres 29 9 8 12 32-43 35
10. Kolos 29 8 11 10 26-24 35
11. LNZ 29 7 9 13 24-36 30
12. Obolon 29 7 8 14 18-43 29
13. Vorskla 29 6 8 15 23-37 26
14. Levıy bereq 29 7 5 17 18-38 26
15. İnqulets 29 5 8 16 20-46 23
16. Çernomorets 29 6 4 19 20-45 22

Bombardirlər: Vanat (Dinamo) – 17, Tverdoxleb (Krivbass), Sudakov (Şaxtyor) - 13, Bondarenko (Şaxtyor) – 12.