“Dinamo” darmadağın etdi, “Şaxtyor” avtoqola sevindi

Ukrayna futbolunun nəhəngləri hesabat turunu qələbə ilə başa vurdu.

“Dinamo” “Obolon”un qapısından 5 top keçirdi, “pivəçilər” bunlardan yalnız birinin əvəzini çıxdı. “Şaxtyor”un oyun böhranı davam edir. Düzdü, Donetsk klubu səfərdə “Kolos”u məğlub edə bildi. Amma Krasnikinin avtoqolu sayəsində. “Kolos” daha iti hücumlar qursa da, qol vəziyyətlərindən yararlana bilmədi.

Turnir cədvəlinin 2-ci pilləsində “Şaxtyor” yox, “Aleksandriya” qərarlaşıb. Bu komanda evdə “Vorskla”ya qalib gəlməklə məğlubiyyətsiz oyunlar seriyasını 9-a çatdırdı. “Polesye” də uduzmadı. Sadəcə, elitanın debütantı “Levıy bereq”lə heç-heçə jitomirlilərin aktivinə yox, passivinə yazılmalıdı. Maraqlıdı ki, soydaşımız Emil Mustafayevin adı “Polesye”nin bu oyun üçün iştirak ərizəsinə salınmamışdı.

Turun qalan oyunlarına gəlincə, LNZ qələbəsiz oyunlar seriyasını 5-də dayandırdı – “İnqulets”i məğlub etdi. “İnqulets” qələbəyə həsrət qalan yeganə komandadı. “Krivbass” sentyabrın 15-dən bəri ilk qələbəsini qazandı. “Çernomorets” – “Veres” oyununda məhsuldar heç-heçə qeydə alındı.

9-cu tur
Obolon – Dinamo 1:5
Mixavko, 51-öz qapısına – Şaparenko, 11. Vanat, 21-p.; 29. Karavayev, 49. Brajko, 73.
Dinamo: Buşan, Dubinçak, Karavayev (Belovar, 74), Mixavko, Popov, Tımçik, Brajko, Buyalski (Rubçinski, 63), Vanat (Gerrero, 80), Kabayev (Braqaru, 63), Şaparenko (Andriyevski, 80).

Kolos – Şaxtyor 0:1
Krasniki, 50-öz qapısına.
Şaxtyor: Riznık, Bondar, Pedro Enrike, Konoplya, Matviyenko, Krıskiv, Bondarenko, Sudakov, Eginaldo (Sikan, 46), Neverton (Kevin, 46), Zubkov (Marlon Qomes, 87).

Aleksandriya – Vorskla 1:0
Belyayev, 58.

Polesye – Levıy bereq 0:0

LNZ – İnqulets 2:0
Putrya, 35; 60.

Zarya – Krivbass 0:1
Sosa, 48.

Çernomorets – Veres 1:1
Morozko, 21-öz qapısına – Vovçenko, 65.

Rux – Karpatı 0:1
Pedroso, 43.

1. Dinamo 9 8 1 0 21-5 25
2. Aleksandriya 9 7 2 0 15-6 23
3. Polesye 9 6 3 0 18-6 21
4. Şaxtyor 9 6 1 2 25-9 19
5. LNZ 10 4 3 3 12-13 15
6. Krivbass 9 4 2 3 8-8 14
7. Rux 9 3 4 2 14-5 13
8. Karpatı 10 3 3 4 11-14 12
9. Zarya 10 4 0 6 9-12 12
10. Çernomorets 10 3 2 5 6-10 11
11. Veres 10 2 4 4 10-14 10
12. Vorskla 10 2 3 5 9-15 9
13. Kolos 10 1 5 4 5-8 8
14. Levıy bereq 10 2 2 6 4-12 8
15. Obolon 10 1 2 7 5-25 5
16. İnqulets 10 0 5 5 6-16 5

Bombardirlər: Nazarenko (Polesye), Sudakov (Şaxtyor) – 7.
Növbəti turun oyunları oktyabrın 25-27-si aralığında keçiriləcək: Rux – Çernomorets, Polesye – Kolos, Aleksandriya – İnqulets, Krivbass – LNZ, Karpatı – Obolon, Levıy bereq – Zarya, Veres – Vorskla, Dinamo – Şaxtyor.