"Qarabağ"ın Kiyev "Dinamo"sunu məğlub etməsi rəqib üçün xoşagəlməz sonluqla nəticələnib. Yox, təkcə Ukrayna təmsilçisinin Konfrans Liqasında mübarizəni dayandırmasını nəzərdə tutmuruq. Belə ki, klub baş məşqçi İqor Kostyukla yolları ayırmaq qərarına gəlib.

"Football-plus.az" xəbər verir ki, bu barədə "sport.ua" məlumat yayıb.

Yerli nəşrin əldə etdiyi bilgiyə görə, "Dinamo" bugünlərdə mütəxəssislə vidalaşacaq. Komanda hazırda yeni baş məşqçi axtarışındadı. Kostyuk növbəti təyinata qədər Kiyev klubunun müvəqqəti çalışdırıcısı olacaq.

Xatırladaq ki, "Dinamo" "Qarabağ"la evdə keçirilən matçda qalib gəlsə də (1:0), səfərdə uduzub (0:2).

KƏNAN BAHADIR