Ukraynada 7-ci turun ən önəmli özəlliyi “Dinamo”nun qələbə seriyasının qırılmasıdı.

Kiyevlilər çox çalışsalar da, “Rux”un qapısına yol tapa bilmədilər. Mövsümdə ilk dəfə xal itirən “Dinamo” artıq zirvənin yeganə sahibi deyil. Çünki debütant “Levıy bereq”i iki cavabsız qolla məğlub edən “Aleksandriya” liderə çatdı. Liderlərin ən yaxın izləyicisi isə Emil Mustafayevin də şərəfini qoruduğu “Polesye”di. Jitomirlilər hesabat turunda başqa bir debütant LNZ-nin müqavimətini qıra bilmədi. Hətta məğlubiyyətdən son anda, məhz yığmamızın üzvünün məhsuldar ötürməsinin sayəsində qaçmaq mümkün oldu. 62-ci dəqiqədə oyuna qoşulan Emilin qapı önünə asmasından sonra Qutsulyak hesabı bərabərləşdirdi.

Turun qalan oyunlarına gəlincə, “Çernomorets” “Karpatı”ya evdə uduzdu. “Veres” – “İnqulets”, “Krivbass” – “Vorskla” oyunları heç-heçə bitdi. Turun dünən axşam keçirilən son iki oyununda isə “Şaxtyor”la “Kolos” qələbə qazandı.

7-ci tur
Dinamo – Rux 0:0
Dinamo: Buşan, Vivçarenko (Dubinçak, 85), Mixavko, Sebalyos, Tımçık, Brajko, Buyalski (Pixalenok, 72), Yarmolenko (Braqaru, 72), Vanat, Kabayev (Gerrero, 82), Şaparenko (Rubçinski, 86).

Şaxtyor – Obolon 4:0
Bondarenko, 18. Traore, 67. Sudakov, 78. Neverton, 90.
Şaxtyor: Riznık, Bondar, Azarov, Vinisius, Matviyenko, Krıskiv, Sudakov, Bondarenko, Eginaldo, Traore, Zubkov.

Aleksandriya – Levıy bereq 2:0
Kampuş, 53. Şabanov, 68.

Polesye – LNZ 1:1
Qutsulyak, 88 – Topalov, 34.

Çernomorets – Karpatı 0:1
Sakiv, 52.

Veres – İnqulets 2:2
Klyots, 65. Mrvalyeviç, 90+7-p. – Malış, 39. Vilivald, 45.

Krivbass – Vorskla 1:1
Sosa, 45 – İede, 41.

Kolos – Zarya 1:0
Tretyakov, 61.

1. Dinamo 6 5 1 0 11-3 16
2. Aleksandriya 6 5 1 0 12-5 16
3. Polesye 6 4 2 0 13-4 14
4. Şaxtyor 6 4 0 2 18-7 12
5. LNZ 7 3 2 2 8-7 11
6. Krivbass 6 3 2 1 6-5 11
7. Rux 6 3 2 1 13-3 11
8. Zarya 7 3 0 4 6-9 9
9. Vorskla 7 2 3 2 8-10 9
10. Karpatı 7 2 2 3 9-11 8
11. Levıy bereq 7 2 0 5 4-9 6
12. Çernomorets 7 2 0 5 3-8 6
13. Kolos 7 1 3 3 5-7 6
14. Veres 7 1 2 4 6-11 5
15. İnqulets 7 0 4 3 5-12 4
16. Obolon 7 0 2 5 2-18 2

Bombardirlər: Nazarenko (Polesye) – 6, Krasnopir (Rux), Qutsulyak (Polesye) – 4.

Növbəti turun oyunları sentyabrın 27-30-u aralığında keçiriləcək: Veres – Şaxtyor, Krivbass – Aleksandriya, LNZ – Çernomorets, Karpatı – Polesye, Obolon – İnqulets, Rux – Kolos, Levıy Bereq – Dinamo, Zarya – Vorskla.