Manor Solomon karyerasını “Vest Hem”də davam etdirəcək.

"Football-plus.az" xəbər verir ki, London klubu “Tottenhem”lə 26 yaşlı yarımmüdafiəçinin transferi ilə bağlı razılığa gəlib.

İnsayder Fabritsio Romanonun məlumatına görə, “Vest Hem” futbolçu üçün 5 milyon funt sterlinq ödəyəcək. Daha 2 milyon funt bonuslar şəklində nəzərdə tutulub. Solomon tibbi müayinədən keçəndən sonra “Vest Hem”lə 3 illik müqavilə imzalayacaq.

Qeyd edək ki, müqavilədə müddəti 2030-cu ilin yayına qədər uzatmaq imkanı da nəzərdə tutulacaq.