37-ci tur faktiki bütün suallara aydınlıq gətirdi. İlk 6 yeri tutacaq komandaların ardıcıllığı müəyyənləşdi.

Son tur üçün iki əsas intriqa qalır: elitanı “Leqanes”, yoxsa “Espanyol” tərk edəcək, bir də 7-8-ci yerləri hansı komandalar (Selta, Rayo Valyekano, Osasuna) tutacaq?

Hesabat turunun hadisələrindən “Barselona”nın 2-ci dövrədə və 2025-də ilk məğlubiyyətini qeyd etmək olar. “Vilyarreal” ardıcıl 2-ci mövsümdə kataloniyalılara səfərdə qalib gəldi. Mbappe “Real”a “Sevilya” üzərində qələbə qazandırmaqla yanaşı, “Qızıl buts” almaq şansını da artırdı. Tur həmçinin qonaqların 7 qələbəsi və heç bir oyunun 0:0 bitməməsi ilə yadda qaldı.

Flik meydana əsas heyəti buraxsa da, görünür, futbolçular çempionluq eyforiyasından ayılmayıb. Amma Peresin 4-cü dəqiqədəki qolu meydan sahibləri üçün soyuq duş rolunu oynadı. Hissənin sonunda hesab artıq 2:1 idi. Yamal 38-ci dəqiqədə ənənəvi qollarından birini vurdu, Lopes isə müdafiəçinin qaytardığı topu qapıya göndərdi. Belə düşünmək olardı ki, “Barsa” fasilədən sonra da hücumları davam etdirəcək. Ancaq belə olmadı. Levandovski gözə dəymirdi, “Barsa” sanki azlıqla oynayırdı. Artıq 50-ci dəqiqədə süni ofsayd tələsindən qurtulan Komensanya hesabı bərabərləşdirdi.

“Barsa” hətta heç-heçəyə də razı idi, sadəcə, sonradan oyuna qoşulan Moreno ilə Byukenen “sarılar”ın 3-cü qolunu da təşkil etdi.
“Betis” isə “Atletiko”dan 4 qol buraxdı, hərçənd ÇL-ə nəzəri iddiasını saxlamaq üçün “xiyarlar”a qələbə lazım idi. Pelleqrininin komandası Konfrans Liqasının finalında yalnız titul üçün çarpışacaq, onsuz da çempionat yolu ilə Avropa Liqasına vəsiqəsi var. Madriddə qonaqların darmadağının əsasını Alvares qoydu. Ardından Alvares və Sörlot qol vəziyyətlərini sağa-sola xərcləsə də, Le Norman hissənin sonunda “hindular”ın üstünlüyünü artırdı. Pelleqrininin fasilədə əl atdığı üçlü dəyişiklik fayda verdi. Qonaqlar 67-ci dəqiqədə qollardan birinin əvəzini çıxdı. Amma Alvares 75-ci dəqiqədə növbəti dəfə fərqləndi və bununla da oyunun taleyi həll olundu.

“Alaves” və “Leqanes” səfərdə minimal hesabla qələbə qazandı. “Alaves” elitada qalmaq vəzifəsinin öhdəsindən gəldisə, “Leqanes”, sadəcə, ümidlərini bir həftə də yaşatdı. Axı son turda da “Valyadolid”ə qalib gəlmək, üstəlik “Espanyol”un “Las Palmas”ı uda bilməyəcəyinə bel bağlamaq lazımdı.
Evdə “Espanyol”a qalib gələn “Osasuna” hələ də avrokuboklara vəsiqə verən 7-ci yerə iddiasını davam etdirir. Elə səfərdə “Selta”nı məğlub edən “Rayo Valyekano” da 7-ci yerdən gözünü çəkməyib. “Real Sosyedad” – “Jirona” oyununun heç bir turnir əhəmiyyəti yox idi. Hər halda, basklar qələbə qazanmaqla turnir mövqeyini bir qədər yaxşılaşdırdı.

“Malyorka” evdə “Xetafe”yə uduzmaqla avrokuboklara vəsiqə arzusunu “dəfn etdi”. Halbuki qələbə adalıları bu mübarizədə saxlayacaqdı.
“Atletik” “Valensiya”nı məğlub etməklə 4-cü yeri, deməli, həm də İspaniya Superkuboku uğrunda oynamağı təmin etdi. “Real” “Sevilya” ilə səfər oyununda uzun müddət əziyyət çəksə də, sonda qələbə qazana bildi. Hərçənd madridlilərin inamlı qələbəsi üçün münbit şərait var idi. Artıq 12-ci dəqiqədə Mbappeyə qarşı kobud oynayan Bade meydandan qovuldu. Kaparros fasilədən dərhal sonra Lukebakionu Romero ilə əvəzlədi və bu gediş acı nəticə doğurdu. Belə ki, Romero 48-ci dəqiqədə açıq ayaqla Çuameninin üzərinə getdiyindən meydandan qovuldu. “Real” 9 oyunçu ilə qalan rəqibin müqavimətini 75-ci dəqiqədə qırdı. Əslində qapıçı Mbappenin zərbəsinin qarşısını ala bilərdi. Sona üç dəqiqə qalmış Bellingem olan-qalan intriqanı da öldürdü.

37-ci tur
Barselona – Vilyarreal 2:3
Yamal, 38. Lopes, 45+5 – Peres, 4. Komesanya, 50. Byukenen, 80. (49558)
Barselona: Ter Ştegen, E.Qarsiya (Fort, 74), Martin (Balde, 46), Martines, Kubarsi, Pedri (De Yonq, 46), Qavi (Olmo, 85), Lopes, Yamal, Rafinya, Levandovski (Viktor, 74).

Sevilya – Real 0:2
Mbappe, 75. Bellingem, 87. (31633)
Real: Lunin, Valverde, F.Qarsiya (Sebalyos, 77), Ramon, Valyexo (Q.Qarsiya, 66), Bellingem, Gülər (Vaskes, 77), Modriç, Çuameni, Endrik (Munyos, 58), Mbappe.

Atletiko – Betis 4:1
Alvares, 10; 75. Le Norman, 45+3. Korrea, 90+6 – Fornals, 67. (62269)
Atletiko: Oblak, Le Norman, Lanqle, Lyorente, Qalan, Lino (Korrea, 80), Koke, De Paul (Qallaher, 70), Simeone (Molina, 80), Alvares (Vitsel, 90+9), Sörlot (Qrizmann, 70).

Selta – Rayo Valyekano 1:2
Alonso, 10-p. – Palason, 17. De Frutos, 45+2. (21482)

Valensiya – Atletik 0:1
Berenger, 72. (45641)

Malyorka – Xetafe 1:2
Larin, 90+3 – Arambarri, 56. Uçe, 65. (18124)

Real Sosyedad – Jirona 3:2
Marin, 5. Oyarsabal, 20-p. Marieskurrena, 90+1 – Stuani, 10. Portu, 77. (28315)

Valyadolid – Alaves 0:1
K.Qarsiya, 18-p. (14506)

Las Palmas – Leqanes 0:1
Raba, 6. (11279)

Osasuna – Espanyol 2:0
Budimir, 17. R.Qarsiya, 90+1. (21131)

1. Barselona 37 27 4 6 99-39 85
2. Real 37 25 6 6 76-38 81
3. Atletiko 37 21 10 6 64-30 73
4. Atletik 37 19 13 5 54-26 70
5. Vilyarreal 37 19 10 8 67-49 67
6. Betis 37 16 11 10 56-49 59
7. Selta 37 15 7 15 57-56 52
8. Rayo Valyekano 37 13 12 12 41-45 51
9. Osasuna 37 12 15 10 47-51 51
10. Malyorka 37 13 8 16 35-44 47
11. Real Sosyedad 37 13 7 17 35-44 46
12. Valensiya 37 11 12 14 43-53 45
13. Xetafe 37 11 9 17 33-37 42
14. Alaves 37 10 11 16 37-47 41
15. Sevilya 37 10 11 16 40-51 41
16. Jirona 37 11 8 18 44-56 41
17. Espanyol 37 10 9 18 38-51 39
18. Leqanes 37 8 13 16 36-56 37
19. Las Palmas 37 8 8 21 40-59 32
20. Valyadolid 37 4 4 29 26-87 16

Bombardirlər: Mbappe (Real) – 29, Levandovski (Barselona) – 25, Budimir (Osasuna) - 21, Peres (Vilyarreal) – 19, Rafinya (Barselona) – 18.

Turun rəqəmi
41 – Mbappe “Real”ın heyətində cari mövsümdə bütün turnirlərdə keçirdiyi 55-ci oyunda qol sayını bu həddə çatdırdı. Debüt mövsümündə 41 qol klub rekordudu. Sonuncu belə rekordun sahibi İvan Samorano (1992/93, 37) olub. La Liqada 29 qol vuran Mbappe ÇL-də 7, ölkə kubokunda 2, Avropa Superkuboku, İspaniya Superkuboku və Qitələrarası kubokun hər birində 1 dəfə fərqlənib.

Turun ulduzu
Xulian Alvares (Atletiko) – iki qol və məhsuldar ötürmə ilə “Betis”in darmadağınında önəmli rol oynadı. Argentinalı ulduz debüt mövsümündə artıq 28 qol vurub.

Turun sitatı
Hans-Diter Flik, “Barselona”nın baş məşqçisi: