“Dinamo” və “Şaxtyor” təkcə çempionluq yox, həm də xal itirmək yarışına çıxıb.

"Football-plus.az" xəbər verir ki, Ukrayna futbolunun liderləri hesabat turunda heç-heçə etdi.

Kiyevlilər “Zarya”nın müqavimətini qıra bilmədi. İlk 9 dəqiqədə üç qolun vurulduğu oyunda luqansklılar 75-ci dəqiqəyə qədər qələbə hesabını qorudu. Amma Ponomarenko liderin mövsümdəki ilk məğlubiyyətini əngəllədi.

“Dinamo”dan bir qədər sonra meydana çıxan “Şaxtyor” xal fərqini azalda bilərdi. Ancaq “şaxtaçılar” “Karpatı” ilə səfər qarşılaşmasında 1 xalla kifayətləndi. “Şaxtyor” oyunboyu hücum etsə də, lvovluların müdafiə xətti yetərincə inamlı təsir bağışladı.

“Aleksandriya” nəhənglərin xal itkisindən bacarıqla yararlandı. Ruslan Rotanın çalışdırdığı komanda “Obolon”u tar-mar etdi – 4:0. 2-ci pillədə qərarlaşan “Aleksandriya” evdə məğlubiyyətsiz oyunlar seriyasını 15-ə çatdırdı. Bu isə 2018/19 mövsümündə müəyyənləşən klub rekordunun təkrarlanmasıdı. Ötən il mayın 4-dən bəri evdə heç kimə uduzmayan “Aleksandriya” aprelin 5-də “Krivbass”la oyunda da büdrəməsə, yeni klub rekordu müəyyənləşdirəcək.

Turun qalan oyunlarına gəlincə, “Veres”ə 1:5 uduzan “Polesye” elitada ən böyükhesablı məğlubiyyətini aldı. “Rux”u səfərdə məğlub edən “Vorskla” təhlükəli zonadan 12-ci pilləyə qalxdı.

“Krivbass” – “Levıy bereq” oyunu baş tutmadı. Yerli vaxtla saat 15.30-da meydana çıxmalı olan komandalar daimi hava həyəcanı siqnalı üzündən yalnız 17.17-də qazona qədəm qoydu. Ancaq elə 2-ci dəqiqədə yenidən siqnal səsləndi. Belədə oyun təxirə salındı. Rusiyanın işğalçı müharibəsi 1-ci dövrədə “Krivbass” – “Şaxtyor” oyununu da bitirməyə imkan verməmişdi.

“İnqulets” tarixində ilk dəfə “Çernomorets”i məğlub etdi. Odessalıların start heyətində yer alan Emil Mustafayev 11-ci dəqiqədə sarı vərəqə ilə cəzalandı, fasilədən sonra meydana çıxmadı. “Kolos” üzərində inamlı qələbə qazanan LNZ isə 10-cu pilləyə yüksəldi.

21-ci tur
Dinamo – Zarya 2:2
Vanat, 5. Ponomarenko, 75 – Budkovski, 2. Cordan, 9.
Dinamo: Neşeret, Vivçarenko, Karavayev (Dubinçak, 72), Mixavko, Popov, Braqaru (Ponomarenko, 46), Brajko, Buyalski, Yarmolenko (Kabayev, 46), Vanat, Şaparenko (Rubçinski, 86).

Karpatı – Şaxtyor 0:0
Şaxtyor: Riznık, Bondar, Azarov (Traore, 80), Konoplya, Matviyenko, Sudakov, Nazarina (Bondarenko, 65), Qomes, Eginaldo (Elias, 65), Kevin, Şved (Santana, 65).

Aleksandriya – Obolon 4:0
Filippov, 13; 44. Bezerra, 16. Ndika, 90.

Veres – Polesye 5:1
Stepanyuk, 13; 45. Daxnovski, 56. Qayduçik, 65. Şevçenko, 88 – Batista, 34.

Rux – Vorskla 0:1
Malış, 82.

İnqulets – Çernomorets 1:0
Puşkaryov, 18.

LNZ – Kolos 2:0
Eynel, 37. Pasiç, 67.

“Krivbass” – “Levıy bereq” oyunu təxirə salınıb.

1. Dinamo 21 15 6 0 44-15 51
2. Aleksandriya 21 14 5 2 33-16 47
3. Şaxtyor 20 12 5 3 46-16 41
4. Polesye 21 9 7 5 29-22 34
5. Krivbass 19 9 5 5 23-19 32
6. Zarya 20 9 2 9 25-25 29
7. Karpatı 21 8 5 8 23-23 29
8. Veres 21 7 7 7 27-28 28
9. Rux 21 6 8 7 22-18 26
10. LNZ 21 7 4 10 22-29 25
11. Levıy bereq 20 6 4 10 12-21 22
12. Vorskla 21 5 6 10 17-27 21
13. Kolos 21 3 9 9 13-19 18
14. Obolon 21 4 6 11 12-35 18
15. Çernomorets 21 4 3 14 14-31 15
16. İnqulets 20 3 6 11 15-33 15

Bombardirlər: Vanat (Dinamo) – 12, Sudakov (Şaxtyor), Qutsulyak (Polesye), Filippov (Aleksandriya) – 10.

Növbəti turun oyunları martın 28-30-u aralığında keçiriləcək: LNZ – Polesye, İnqulets – Veres, Levıy bereq – Aleksandriya, Obolon – Şaxtyor, Rux – Dinamo, Vorskla – Krivbass, Karpatı – Çernomorets, Zarya – Kolos.