“Öncədən demişdim ki, “Zirə” ikinci oyuna favorit kimi çıxacaq, elə də oldu. Tez qol vurdular. Hesabda da irəliydilər. Hər şey plan üzrə, necə lazım idisə, elə də gedirdi. Oyun baxımından hiss edilirdi ki, “Şerif”i yaxşı təhlil ediblər. Sadəcə, qırmızı vərəqə hər şeyin üzərindən xətt çəkdi. Çünki 40-cı dəqiqədəcə aldılar. 45 dəqiqə azlıqda oynamaq çətin idi. Görünürdü ki, uşaqlar mərhələ keçmək üçün sonacan vuruşurlar. Amma qismət olmadı. Hiss olunurdu ki, Avropa təcrübəsi Azərbaycan təcrübəsindən seçilir. Ona görə də “Zirə” bu formatda çətinlik çəkdi. Buna əsasən bəxtsizlik səbəb oldu ki, qırmızı vərəqə aldılar. Sonra isə oyun penalti seriyasına getdi. Bilirik ki, penalti seriyası lotereya kimi şeydi. Heç vaxt bilmirsən ki, necə bitəcək. Nəticə etibarilə “Zirə” barədə müsbət danışmaq olar. Çünki səfərdə yaxşı çıxış etdilər, üstünlük qazandılar. Bakıda isə “qırmızı” bütün oyun sistemini dəyişdi. Həmişə nəsə olanda hakimlikdən danışmaq istəyirik. Amma hakim qərarını verəndən sonra heç nəyi geri qaytarmaq olmur. Belə oyunlarda komanda hər şeyə hazır olmalıdı. İnşallah, gələcəkdə təcrübə sayəsində daha yaxşı çıxış edərlər. Uğurlar arzulayıram”.