“Onlara qarşı əvvəllər biz də oynamışıq. Düzdü, "Şerif" hər il fərqli olur. Amma daim çalışırlar ki, sabil, ən yüksək performansa sahib olsunlar. Oyunu mən də izlədim. Doğrudan da, hesab "Zirə"yə müəyyən üstünlük verir. Amma 1:0 bir qədər sürüşkən hesabdı. Rahatlaşmaq olmaz. İnanıram ki, Rəşad Sadıqovun komandası birinci oyundakı səhvlərini təhlil edib, boşluqları görüb, ikincidə daha yaxşı çıxış edəcək. Başa düşürəm ki, meydanda oynamaq  fərqlidi. Amma ekrandan baxanda görünürdü ki, hələ "Zirə" tam gücü ilə yox, ehtiyatlanaraq oynayır. Bu da səfər matçıyla bağlı ola bilər. İnanıram ki, növbəti dəfə "qartallar"  1 nömrə kimi oynayacaq. Komandanın potensialı var, oyunçuları yaxşıdı. Fikirləşirəm ki, evdə də "Şerif"ə qalib gələ biləcəklər”.