“Oyun yaxşı keçdi, sadəcə, məğlub olduq. Deyərdim ki, iki ən yaxşı komanda qarşılaşırdı. Sonda məğlub tərəf biz olduq, amma qələbə də qazana bilərdik. Əsas səbəb son 16-17 gündə 11 oyun keçirməyimiz oldu. Estoniyadakı turnirdə çempion olduq, burda da ikinci. Bu üzdən uşaqlarda bir qədər yorğunluq vardı. Buna baxmayaraq, finalı da yaxşı keçirdik. Yenə də "Neftçi"ni təbrik edirəm. İki layiqli komanda finalda mübarizə aparırdı. Biri qələbə qazanmalıydı və onlar bacardı. Oyun bizim uşaqlar üçün yaxşı imtahan oldu. Bunlar gələcəkdə yeniyetmələrin böyüməsi, daha da bərkiməsi üçün yaxşıdı. Düzdü, əsas nəticə deyil, uşaqları inkişaf etdirməkdi. Onlar yaxşı futbol oynamasalar, finala çıxmazdılar. Sona qədər yaxşı gəldik, sadəcə, sonda məğlub olduq. Bu da bir təcrübədi".