“Yaxşı komandalara qarşı mübarizə aparırdıq. Suriya, Türkiyə və Almaniyadan gələnlər var idi. Finalda “Antalyaspor”a penalti seriyasında qalib gələrək, çempion olduq. Çox yaxşı turnir idi. Komandamız turnirdə yaxşı oyun nümayiş etdirdi”.

“16 komanda arasında 4-cü yerə çıxdıq. “Herta”ya böyük hesabla uduzmağımızın səbəbi odu ki, 8-ci dəqiqədə aparıcı oyunçularımızdan birinin qəfil top top əlinə dəydi. Həm azlıqda qaldıq, həm də rəqib penalti qazandı. Rəqib qapımızdan 6 cavabsız qol keçirdi. Turnirin ilk günü olduğundan uyğunlaşma baxımından bir qədər problem yaşadıq. Azərbaycanda süni otda məşq eliyirik. Orda təbii meydançada mübarizə aparırıq. Almaniya çempionu da həmişə təbii otda oynayıb. Sonra toparlandıq, ardıcıl iki qələbə ilə qrupdan çıxdıq. 1/4 finalda Almaniya komandasına qalib gəldik, yarımfinalda Argentina çempionu “River Pleyt”ə uduzduq. Qrupda sözün əsl mənasında rəqiblərini əzə-əzə gəlirdi. Bizim uşaqlar alqışalayiq oyun nümayiş etdirdi. İlk hissə qolsuz bitdi. İkinci yarıda nə qədər gücümüz çatdısa, o qədər də mübarizə apardıq. Sonda isə 1:3 hesabıyla məğlub olduq. 3-cü yer uğrunda matçda CAR klubu ilə qarşılaşdıq. Demək olar ki, yığma komanda idi. Çoxlu şanslarımız oldu. Rəqib 1 qolla matçdan qalib ayrıldı. Beləliklə, 16 komanda arasında 4-cü yerə çıxdıq. Hamı bilsin ki, Azərbaycanda futbol var. Meydana çıxıb, gücümüzü göstərməliyik. Uşaqlarımız heç də zəif nəticə göstərmədi. Bizə görə 16 komanda arasında 4-cü yerə çıxmaq özü bir nəticədi. Uşaq futbolunun yanında dayanmalıyıq. Əl-ələ verib, iş görmək olar. Biz bu turnirə şok yaşatdıq. Bizdən çox adam soruşurdu ki, haranın komandasıdı? “Azərbaycan” adını eşidəndə hamı çox zəif bilirdi. Vətənə böyük bir təcrübə ilə dönürük. “Sabah” futbol klubunun və “Vətən” futbol məktəbinin nümayəndələrinə, direktorlarının hər birinə təşəkkür edirik ki, bizi bu möhtəbər turnirə gətirdilər. Biz Azərbaycanda hər oyunda dominantlıq edirik, rəqibin oynamasına icazə vermirik. Turnirdə isə böyük komandalara qarşı önə atılmaq mümkün deyil. Uşaqlarımız üçün böyük təcrübə oldu. Bu uşaqlarımızın hər birinin qədrini bilmək lazımdı. 15 ildi məşqçi işləyirəm, çox turnirdə olmuşam. 15 il müxtəlif yaş qruplarında məşqçi olmuşam. Amma bu turnirdəki komandalarla qarşılaşanda özüm üçün çoxlu qeydlər etdim. Yerimizdə saymaqla və ölkəmizdə oynamaqla uşaqlarımız heç vaxt inkşaf edə bilməz. Bunu səmimi deyirəm, hamı məni düzgün başa düşsün. Heç kimi aşağılamaq fikrim yoxdu. Bu inkşaf yolu deyil. İnkşaf yolu ölkədəm çıxmaq, fərqli rəqib, fərqli mentallıqdı. Komandamız həddən artıq yorğundu. Bu tempə öyrəşməmişik”.