Dünən Misli premyer-liqasında 2023/24 mövsümü start götürdü.

"Football-plus.az" xəbər verir ki, ilk turda "Turan Tovuz" "Dalğa Arena"da "Araz-Naxçıvan"ı darmadağın etdi - 3:0.

Naxçıvan təmsilçisi turnirə başlayan kimi qayda pozuntusuna yol verdi. Belə ki, "qırmızı-ağlar"ın üzvü Vandersonun formasındakı ad qaydalara uyğun yazılmayıb. Onun adı köynəkdə "Wanderson" kimi qeyd olunub.

PFL-in 2023/24 mövsümü üçün tərtib etdiyi Əsasnamənin 4-cü maddəsi olan "Geyim qaydaları"nın 4-cü bəndində qeyd olunub ki, forma üzərində adların yazılışı zamanı yalnız Azərbaycan əlifbasından istifadə olunmalıdı.



Qaydalara əsasən AFFA İntizam Komitəsinin növbəti iclasında belə səhvə yol verdiyi üçün "Araz-Naxçıvan" cəzalanacaq.


İLKİN SULTANLI