''Salah haqda əlavə nəsə deməyə ehtiyac yoxdu. Əsl dünya ulduzudu. Onun kimi böyük bir futbolçuya ehtiyacımız var idi. Çox gözəl olacağını düşünürəm. Camiəmizə xeyirli olsun. ''Trabzonspor''un son dönəmlərdəki uğuru Avropada da müzakirə olundu. Gənc oyunçular da bizə üstünlük verməyə başladı. Hər kəsə və Avropaya ''Trabzonspor'' kimi istəsə, Trabzona gətirə bilər'' mesajını verməyə çalışırıq. Digərləri Salahla bağlı iddiadan vaz keçən kimi biz danışıqları sürətləndirdik. Çox peşəkar səviyyədə, qarşılıqlı hörmət çərçivəsində Salahın özü və meneceri ilə görüş keçirdim. Heç bir anlaşmazlıq yaşanmadı və iki tərəf də bir-birini çox yaxşı anladı. Danışıqlar təxminən 10 gün davam etdi. Dünən isə hər şey tamamlandı. Forma satışı gəlirindən onlara çatacaq pay ilə bağlı mətbuatda çox söz-söhbət var. Orda yazılan rəqəmlər doğru deyil. Zatən bunu açıqlayacağıq. Düzdü, danışıqlar davam etdiyi müddətdə mətbuata bəzi yalanlar söyləməli oldum və Salahın gündəmimizdə olmadığını dedim. Ancaq ümid edirəm ki, nə üçün belə etdiyimi anladılar. Belə önəmli bir anlaşmada əvvəlcədən məlumat vermək hər şeyi korlaya bilərdi. Prosesi tam gizli şəkildə davam etdirdik. Sponsorluq məsələsində heç kimdən təklif almamışıq. Amma mən camiəmizə və fanatlarımıza güvənirəm. Bütün trabzonlu iş adamlarına və dostlarıma səslənəcəm. Hamısının qapısını bir-bir döyəcəm. İstəyimi geri çevirəcəklərini düşünmürəm. Fanatlarımızın və iş adamlarımızın bu məsələyə sahib çıxacaqlarına inanıram''.