Benzema yığma karyerasına son qoydu
Kərim Benzema gözlənilən qərarı verib: “Real”ın hücumçusu Fransa millisindəki karyerasını başa vurub.
Football-plus.az xəbər verir ki, 35 yaşlı oyunçu bu barədə özünün sosial şəbəkə hesabında belə yazıb:
“Bugünkü şəxs olmaq üçün əlimdən gələni etdim və səhvlərim də oldu. Və mən bununla fəxr edirəm! Hekayəmi yazdım və ortaq hekayəmiz artıq sona çatır”.
Xatırladaq ki, Benzema DÇ-2022-nin startı ərəfəsində zədələnmiş və turnirdə iştirak edə bilməmişdi. O, Fransa yığmasında 2007-ci ildən çıxış edirdi. 2015-ci ildə komanda yoldaşı Matye Valbuenanın şantaj qalmaqalına görə milli komandadan uzaqlaşdırılan Kərim ötən ilin mayında yenidən “üçrənglilər”in sıralarına qayıtmışdı. Deyilənə görə, onu məlum qərarı verməyə vadar edən əsas amil baş məşqçi Didye Deşamın vəzifəsində qalmaq perspektivinin yüksək olmasıdı.
Digər xəbərlər
