Feminizm məşhur tennisçiləri üz-üzə qoydu - QALMAQAL
Yunanıstanlı tennisçi Stefanos Tsitsipas feminizmdən danışıb.
Football-plus.az xəbər verir ki, 24 yaşlı idmançı yerlisi sahibkar İmana Qadjinin “tvitter”də bu mövzu ətrafında paylaşımına reaksiya verib. İş adamı izləyiciləri ilə bu fikirləri bölüşüb:
“Müasir feminizm qadınlara kişilərə nifrət etməyi öyrədir. Qadın olmaqdan qürur duyan xanımlara nifrət edin. Bu, kişiləri kişi olmaqdan utandırır”.
Stefanos Tsitsipas isə iş adımın fikirlərinə bunları əlavə edib:
“Məncə, bütün insanlar bərabərdi. Hər şey hamı üçün eyni olmalıdı. Mənşəyindən, cinsindən, dinindən, etnik mənsubiyyətindən və irqindən asılı olmayaraq. Müasir feminizm gender bərabərliyindən daha çox kişiləri alçaltmağa yönəlmiş qəzəb kultuna çevrilib. Ədalətlidimi?”.
Bu fikir bir çoxlarının xoşuna gəlməyib. Tanınmış idman jurnalisti Ketrin Uitaker elə “tvitter”də müraciət edib:
“Salam, Stefanos. Mən müasir feministəm. Maraqlıdı, bu təxmin nəyə əsaslanır? Qadının həyat/dünya qavrayışı ilə necə tanış oldunuz? Patriarxiya anlayışınız necədi? İstənilən vaxt müzakirə etməkdən məmnun olaram”.
Yunanıstanlı tennisçinin jurnalistə cavabı gecikməyib:
“Şəxsi təcrübəyə və ünsiyyətə əsaslanıram. Bu mövzu haqqında dost-tanışlardan soruşaraq bir fikir əldə etdim. Mən patriarxiyaya inanmıram. Bərabərlik və birlik bütün problemlərin həllidi”.
Tsitsipasın bu fikirləri daha çox qadınların xoşuna gəlməyib. İdmançı xanımların tənqid atəşinə tutulub. Əvvəlcə Uitaker tennisçiyə bu cavabı verib:
“Artıq bu fikri mənimsəmisən. Bu səbəbdən də sənə qarışmayacam. Yeganə təəssüfləndiyim şey patriarxiyaya inanmamağındı”.
Tsitsipasa ən sərt cavabı isə dünyanın sabiq 1 nömrəli tennisçisi Ren Stabbs verib:
“Ah, bağışlayın?! Qadınların hər gün nələr keçirdiyini hardan bilirsiniz?! İndi iranlı xanımla danışmaq istərdinizmi?! Dostum, sən hər cür çılğın fikirləri “tvitter”də paylaşırsan. Amma bunu anlamaq sadə bir şeydi. Dünyanın qadınlar üçün qeyri-bərabər olduğunu başa düşürsən?”
İLKİN SULTANLI
Digər xəbərlər
