"Sabah"la yollarını ayıran Cesse Sekidika karyerasında yeni səhifə açıb.

"Football-plus.az" xəbər verir ki, nigeriyalı hücumçu Cənubi Koreyanın "Qanqvon" klubunun uğurları üçün tər tökəcək.

Asiya təmsilçisi təcrübəli forvardın yay transfer pəncərəsində heyətə qatılan ilk futbolçu olduğunu rəsmən elan edib. Sekidika yeni komandasında 70 nömrəli formanı geyəcək.

Xatırladaq ki, Sekidika 2023-cü ildən "Sabah"ın şərəfini qoruyub. Nigeriyalı Masazır təmsilçisinin heyətində çıxdığı 107 rəsmi qarşılaşmada 21 qol, 10 məhsuldar ötürmə ilə yadda qalıb.