Hemilton bu ölkənin fəxri vətəndaşı oldu
“Formula-1” üzrə yeddiqat dünya çempionu Lüis Hemilton Braziliyanın fəxri vətəndaşı olub
Football-plus.az xəbər verir ki, bununla bağlı xüsusi mərasim adı çəkilən ölkənin paytaxtında keçirilib.
San-Paulu “Qran-pri”si ərəfəsində britaniyalı pilot Braziliya konqresində qəbil olunub, yüzlərlə azarkeşin gözü qarşısında ona həmçinin “Braziliyanın fəxri pilotu” deyiblər.
Hələ ötən ilin noyabrında – Hemilton 3-cü dəfə Braziliya “Qran-pri”sini qazananda yerli konqresmen Andre Fiqeyredo onun fəxri vətəndaş adlandırılması ideyası ilə çıxış etmiş, bundan sonra rəsmi instansiyalar məsələ ilə məşğul olmağa başlamışdı. Hər şey onunla bitdi ki, ölkə parlamentinin aşağı palatası vətəndaşlıq məsələsini rəsmiləşdirdi. Hemilton mərasimdə emosional çıxış etdi:
“Bu adı almaq mənim üçün böyük şərəfdi. Nəhayət, indi sizlərdən biri olduğumu deyə bilərəm. Braziliyanı sevirəm, həmişə sevmişəm. Fəxri vətəndaşlığı qəhrəmanım Ayrton Sennaya həsr edirəm”.
Digər xəbərlər
