“Sabah”ın Çempionlar Liqasında rəqibi olan “Nyu Seynts” “instaqram” hesabında qeyri-adi paylaşım edib.

Belə ki, Uels təmsilçisi hesab təxminlərinin yer aldığını video yayınlayıb. Azarkeşlərindən videonu hər hansı anda skrinşot edərək paylaşımın rəy bölməsində yayınlamaları istəyib. İş ondadı ki, paylaşımda yer alan təxminlər yalnız “Nyu Seynts”in qələbə qazanacağını göstərir. Təxminlərin əksəriyyəti 5:2, 4:1, 3:0 kimi böyükhesablı qələbələrdi. Komanda bununla mərhələ adlamaq üçün lazım olan qolları vuracağını göstərir, belə demək mümkünsə, açıq-aşkar “Sabah”a meydan oxuyur.

Xatırladaq ki, bu gün Osvestridə - “Park Hall”da keçirilək qarşılaşma Bakı vaxtı ilə saat 21.30-da start götürəcək. İlk oyunda “Sabah” 2:0 hesabı ilə qalib gəlib.

KƏNAN BAHADIR