''Atletiko''nun şərəfini qoruyan Joao Feliks ilə bağlı maraqlı xəbər yayılıb.

''Marka'' nəşrinin yazdığına inansaq, Madrid klubu portuqaliyalı futbolçunu 100 milyon avroya satmaqdan imtina edib. Bu məbləği yayda ''Bavariya'' təklif edibmiş. Münhen nəhəngi Robert Levandovskinin ayrılmasından sonra Sadio Maneni transfer etsə də, hücuma böyük potensialı olan bir futbolçu cəlb etmək istəyirdi. ''Atletiko'' isə Feliksin bu mövsüm karyerasının zirvə nöqtəsinə çatacağını düşündüyü üçün onu satmaqdan imtina edibmiş. Amma Feliks bu mövsüm nəinki ən yaxşı oyununu, heç əvvəlki oyununu da sərgiləyə bilmir. 23 yaşlı futbolçu start heyətinə düşməkdə çətinlik çəkir və Dieqo Simeonedən narazılığını gizlətmir.

Dünənki ''Kadis''lə oyuna qədər Feliks ''Atletiko''nun ardıcıl 9 rəsmi oyununda start heyətinə həsrət qalmış və bu qarşılaşmalarda cəmi 54 dəqiqə forma geymişdi. Rəhbərlik artıq indidən onu satmadığına görə peşmandı.

Xatırladaq ki, ''hindular'' bu futbolçunu 2019-un yayında ''Benfika''dan 127 milyon avroya transfer ediblər.