Avrokuboklara vəsiqəni son anda itirən “Zirə” üçün yeni ümidlər yaranıb. Əlbəttə, “Turan Tovuz”un Konfrans Liqasından uzaqlaşdırılması ehtimalını nəzərdə tuturuq. Belədə elitada 5-ci yeri tutan komanda, yəni “qartallar” “bozqurd”u əvəz edəcək. Bəs “Zirə” hadisələrin belə axarına hazırdımı? Komanda hazırlığa nə vaxt başlayacaq?
Bu suallara cavab tapmaq üçün “Football-plus.az” klubun mətbuat katibi Elmar Abdullazadə ilə əlaqə saxlayıb: “Toplanışın vaxtı ilə bağlı hələ ki rəsmi məlumat yoxdu. Müəyyənləşəndə bununla bağlı paylaşım edəcəyik. Legionerlərimiz öz ölkələrində, istirahətdədi. “Turan Tovuz”la bağlı rəsmi məlumat yoxdu, yalnız mətbuatda yazılır. Ona görə də nəsə deməyim doğru olmaz”
İSRAYIL XEYRULLAYEV