Cari mövsümün sonunda "Yuventus"dan ayrılacağını açıqlayan argentinalı Paulo Dibala "Atletiko"ya keçmək istəyir.

29 yaşlı hücumçu Madrid təmsilçisinə keçidini şəxsi inkişafı üçün prioritet görür. Həmvətəni Dieqo Simeonenin "Atletiko"ya rəhbərlik etməsi də təcrübəli forvardın diqqətini La Liqa klubuna yönəldir.

Xatırladaq ki, Dibala 2015-ci ildən "Yuventus"da çıxış edir. “Atletiko” ilə bağlı daha bir transfer sorağı var. Uruqvaylı hücumçu Luis Suares Madriddən ayrılmağa hazırlaşır. “Atletiko”nun hücumçusu bu yay komandadan ayrılmaq istəyir. Simeonenin növbəti mövsüm üçün planlarında Suares yer almır. Argentinalı mütəxəssis hücum xəttində daha çox Joao Felişə güvənir. Üstəlik Dibala variantı da var.

Suares 2021-ci ildə 7 milyon avro qarşılığında “Barselona”dan “Atletiko”ya keçib. 34 yaşlı hücumçu Madrid komandası ilə 32 oyunda 19 qol vurub.