Marios İkonomu yol qəzası nəticəsində həlak olub.

"Football-plus.az" xəbər verir ki, Yunanıstan millisinin 33 yaşlı sabiq müdafiəçisi mayın 23-də baş verən ağır yol-nəqliyyat hadisəsinə görə bir neçə gün reanimasiyada qaldıqdan sonra dünyasını dəyişib. İkonomunun idarə etdiyi motosiklet avtomobillə toqquşmuş və o, ağır xəsarətlər almışdı.

Peşəkar karyerasına “Yannina”da başlayan müdafiəçi sonra İtaliyada “Kalyari”, “Bolonya”, SPAL, “Bari” və “Sampdoriya” klublarında çıxış edib. Marios həmçinin Yunanıstanın AEK klubunun da formasını geyib. Yunanıstan yığmasında 6 oyun keçirib. Mərhum futbolçu karyerasını 2024-cü ildə başa vurmuşdu.