“Yuventus” Alvaro Moratanı sıralarında saxlamağa çalışır.

"Football-plus.az" xəbər verir ki, bu məqsədlə futbolçunun transfer hüququna sahib olan “Atletiko”ya təklif irəli sürülüb. Lakin İspaniya klubu hücumçu üçün göndərilən 20 milyon avroluq təklifi geri çevirib. İtaliyada çıxan “Tuttosport” qəzetinin məlumatına görə, madridlilər 29 yaşlı oyunçunun real qiymətinin daha yüksək olduğunu düşünürlər. Başqa sözlə, Turin klubu qarşı tərəf üçün daha sərfəli təkliflə çıxış etməlidi.

“Yuventus" Moratanı 2020-ci ildə iki mövsüm üçün 20 milyon avroya icarəyə götürüb. O, ötən müddətdə ağ-qara formada 92 oyun keçirib və 32 qol vurub. İspan futbolçunun “Atletiko” ilə müqaviləsinin müddəti 2023-cü ilin yayına qədərdi.