"Şamaxı"dan yeni baş məşqçiylə bağlı açıqlama - "ən qısa müddətdə..."
Millinin də baş məşqçisi olan Ayxan Abbasovla yollarını ayıran "Şamaxı"nın "sükanı" hələ boşdu. Bir neçə mütəxəssisin adı "şirlər"lə hallansa da, hələ təyinat reallaşmayıb.
Bəs, bu məsələyə nə vaxt aydınlıq gələcək? Bölgə təmsilçisinin konkret namizədləri varmı? Bu sırada əcnəbilər də yer alırmı?
Sualları "Şamaxı"nın baş meneceri Kamran İsmayılova ünvanladıq. Onun "Football-plus.az"a cavabı:
"Sözsüz, hazırda prioritet məsələ baş məşqçiylə bağlıdı. Namizədlərlə danışıqlar davam edir. İnşallah, müqavilə imzalanandan sonra rəsmi açıqlama veriləcək. Namizədlər arasında əcnəbilərin olub-olmadığını deyə bilmərəm. Bizə maddi imkanlarımıza uyğun, bizlə həmfikir olan, komandanın qarşısına qoyulacaq məqsədə çata biləcək baş məşqçi lazımdı. Hansı ölkənin vətəndaşı olmasının fərqi yoxdu. Bu məsələni ən qısa müddətdə həll etməyə çalışırıq".
KƏNAN BAHADIR
Digər xəbərlər
