"Yaxın zamanda yenidən birlikdə olacağıq" - Ronaldo
"Mançester Yunayted"in heyətindən ayrı düşən Kriştiano Ronaldo şəxsi sosial şəbəkə hesabında paylaşım edib.
"Footbal-plus.az" xəbər verir ki, davranışına görə heyətdən uzaqlaşdırılan portuqaliyalı hücumçu çalışmağa davam edəcəyini yazıb:"Karyeram ərzində hər zamankı kimi həmkarlarıma, düşmənlərimə və məşqçilərimə hörmətlə yanaşdım və belə də davam edir. Bu, heç vaxt dəyişməyib, mən dəyişməmişəm. Son 20 ildi yüksək səviyyədə futbol oynayan eyni adam, eyni peşəkaram. Hörmət hər zaman qərar verməyimdə böyük rol oynayıb.
Gənc oldum, indi isə nümunə göstərilən təcrübəli biriyəm. Buna xüsusi diqqət edirəm. Təəssüf ki, hər zaman istədiyiniz şeylər olmur. İndi Karrinqtonda çalışmağa davam edirəm. Komanda yoldaşlarımı dəstəkləyir, hər oyuna hazır olmaq məcburiyyətində olduğumu hiss edirəm. Təzyiqə təslim olmaq mümkün olmayıb. Bura "Mançester Yunayted"di və birlikdə ayaqda durmalıyıq. Yaxın zamanda yenidən birlikdə olacağıq".
Digər xəbərlər
