TFF-nin bu mövsümdən etibarən tətbiq etdiyi yeniliyi artıq görməyəcəyik.

Football-plus.az xəbər verir ki, federasiyanın qərarı ilə Hyu Dallas 4-cü turdan başlayaraq həftədə bir dəfə ''Bein Sports''un efirində turda qeydə alınan şübhəli hakim qərarlarına aydınlıq gətirirdi. Amma bu ideya UEFA HK-nın sədri Roberto Rozettinin xoşuna gəlməyib! Elə Dallas özü də ilk efirlərdən sonra bu ideyanın yanlış olduğunu TFF-yə bildirmişdi.

Bundan sonra 4 tur ərzində qeydə alınan şübhəli qərarlar ümumilikdə toplanaraq ayda bir dəfə aydınlaşdırılacaq. Amma bunun necə həyata keçiriləcəyi və hansı formatda olacağı hələ bilinmir.