TFF başqanı “Beşiktaş”ın cavabını verdi
Türkiyə çempionatında mövsüm yeni başlasa da, yenə hakimlikdən narazılıqlar var.
Football-plus.az xəbər verir ki, son turda “Beşiktaş” Alanya səfərində 3:0-lıq qələbəni əldən verdikdən sonra camiə bunun əsas günahkarının hakim Yasin Kol olduğuna qərar verdi. Prezident Ahmet Nur Çəbi hətta 35 yaşlı bu hakimi bir daha öz oyunlarında görmək istəmədiyini deyərək Türkiyə Futbol Federasiyasının başqanı Mehmet Büyükekşi ilə görüş keçirdi. Bu arada srağagün federasiyanın Rivadakı bazasında hakimlər üçün seminar keçirilib. Burda Hakimlər Komitəsinin (HK) baş məsləhətçisi vəzifəsinə yeni gətirilən Hyu Dallasla birlikdə Mehmet Büyükekşi də iştirak edib. Federasiya prezidenti burdakı çıxışında həm Ahmet Nur Çəbinin cavabını verib, həm də bir yeniliyi açıqlayıb:
“Biz təyinatları xüsusi alqoritmlə, yəni kompüter vastiəsilə həyata keçiririk. “O hakimi istəmirəm, bu hakimi istəmirəm” sözlərinin bizdə qarşılığı yoxdu və olmayacaq! Hər kəs də bunu belə bilsin. Oyunlar çoxaldıqca hakimlərin performansına aid əlimizdə daha çox rəqəm olacaq. Hələ ki cəmi 2 tur oynanılıb. Bu gözəl sistemə inanmağınızı və güvənməyinizi istəyirik. Gəlin, bir qədər səbirli olaq. 4-cü turdan etibarən bir yenilik etmək qərarına gəlmişik. Hər həftənin çərşənbə axşamı 1 saatlıq verilişdə HK-nın başqan vəkili və baş məsləhətçisinin istirakı ilə hakimlərin performansı dəyərləndiriləcək. Göruntulu olaraq hər şübhəli epizod təhlil ediləcək. Düzə düz, yanlışa yanlış deyiləcək. Biz birmənalı şəkildə “filan hakimi istəmirik” ifadəsinə qarşıyıq. O zaman bu çempionat bitməz. Yasin Kola bu həftə oyun verilməməsi onun ötən turdakı zəif idarəçiliyi ilə bağlı deyil. Ötən həftə oyunlara təyinat alan hakimlərin heç birinə bu həftə oyun verməmişik”.
Digər xəbərlər
