''Hakimliyin səviyyəsinin artması üçün əlimizdən gələni edirik. Çünki hakimlik futbolumuzda ən çox şikayət olunan sahələrdən biridi. Hər oyundan iki saat sonra federasiya hakimlərdən raport tələb edəcək. Eləcə də həftənin mübahisəli epizodları canlı yayında müzakirə olunacaq. Verilişin adını ''Qaydalara görə'' qoyduq. Çünki futbolsevərlərin və şərhçilərin bir çoxu futbol qaydalarını, eləcə də VAR-ın işləmə mexanizmini bilmir. Hər çərşənbə axşamı baş tutacaq efirdə həm epizodlar dəyərləndiriləcək, həm də qaydalar xatırladılacaq. Hyu Dallasın bu veriliş üçün məvacibini ''Bein Sports'' özü ödəyəcək. Bu mövsüm superliqada artıq 4 tur arxada qalıb və 36 oyun baş tutub. Diqqət yetirmisizsə, ötən illərlə müqayisədə VAR artıq epizodlara daha az müdaxilə edir. Əvvəlki dönəmdə sanki VAR-da olan hakim matçın baş hakimin idarə edirdi. Biz bunun qarşısını almışıq. Əvəzedicilərin turnirinə gəlincə, bu, əslində bizim layihə deyil. 3 ildi gündəmdə olan və bizdən əvvəlki rəhbərliyin ortaya atdığı bir ideyadı. Sadəcə, mövsümün əvvəlində 16 klubun prezidentinin müraciətindən sonra bu layihəni həyata keçirməyə başladıq. Bizim üçün klubların fikri əsasdı. Amma indi görürük ki, başqanlar əvəzedicilərin turnirinin əlavə pul xərcinə səbəb olmasından gileylənirlər. Onlar yenə də bizə rəsmi formada müraciət etsələr, bu turniri dayandırmaq barədə düşünə bilərik. İstanbul ÇL-in finalına tam güclə hazırlaşır. Təhlükəsizliyə böyük önəm veririk və UEFA ilə daim təmasdayıq. Hər şey qaydasında davam edir. Biz AÇ-2028 və AÇ-2032 üçün namizədliyimizi irəli sürmüşük. İndiyə qədər 3 dəfə - 2008, 2016 və 2024 üçün apardığımız mübarizələrdən məğlub ayrılmışıq. Amma bu dəfə çox iddialıyıq. Təkcə İstanbulda 4 möhtəşəm stadionumuz var. Türkiyə əsl turizm ölkəsidi. Yunanıstanla birlikdə AÇ-yə evsahibliyi etmək? Niyə də olmasın?! Keçmişdə də ortaq namizədliyimiz olub. Doğru şərtlər olsa, hər şey mümkündü. Türkiyə futbolunun Avropada geriləməsinin səbəblərindən biri ərəblərin xarici klubları satın almağa başlamasıdı. Ən yaxşı oyunçuları transfer edir və güclü heyətlər qururlar. Onların dünya futbolunda olmadığı dönəmdə ''Qalatasaray'' UEFA kubokunu qazanmış, yığmamız isə dünya üçüncüsü olmuşdu. Futbolumuzda legioner limiti problemini də kökündən həll etməyi planlaşdırırıq. Qarşıdakı 6 ay ərzində başqanlar, yönəticilər və baş məşqçilərin fikirlərini öyrənib ortaq məxrəcə gələcəyik. Gələn mövsümdən etibarən heç kim legioner limitindən şikayət etməyəcək. Yığma komanda bütün ölkənindi. Yığmanın oyunlarını Anadolu coğrafiyasına daha geniş yaymaq istəyirik. Önümüzdəki dönəmdə Diyarbəkir və Qaziantep da yığmanın oyunlarına evsahibliyi edəcək''.