Bu klub AFFA-ya göndərdiyi sənəddə məşqçilər heyətini yazmayıb – AÇIQLAMA
Region Liqasından 1-ci diviziona 3 komanda - “Araz-Naxçıvan”, “Mingəçevir”, və “İmişli” yüksəldi.
Lakin AFFA-nın İcraiyyə Komitəsinin son iclasında verilən qərara görə, daha bir Region Liqası təmsilçisinin divizionda iştirakı təmin olunmalı idi. Bunun üçün isə AFFA və PFL tərəfindən meyarlar müəyyən edildi. Meyarlara uyğun sənədləri quruma ən tez təqdim edən komandanın növbəti mövsümdən 1-ci divizionda çıxışı təmin olunacaqdı.
Bununla bağlı 6 komanda AFFA-ya müraciət etmişdi. Bunlar “Qobustan”, “Ağsu Siti”, “Füzuli”, “Göyəzən”, “İrəvan” və “Bakılı”dı. Lakin bu gün açıqlanan qərara görə 6 klubdan heç biririnin 1-ci divizionda iştirakı təmin olunmayıb. Səbəb isə təqdim olunan sənədlərin meyarlara uyğun olmamasıdı.
Görəsən, komandalar hansı meyarlara cavab verməyib? Onların qərara münasibəti necədi? “Ağsu Siti”nin prezidenti Rəmzi Eminlinin “Football-plus.az” saytına açıqlaması belə oldu:“Meyarların hamısına cavab vermişdik. Sadəcə, peşəkar məşqçi heyətini yaza bilməmişdik. Qərarın belə verilməsinə səbəb nə oldusa, anlamadıq. Gözlənilməz qərar oldu bizim üçün. İndi isə buna uyğun yenə AFFA ilə danışıqlar aparırıq. Harda səhv etmişiksə, düzəltməyə çalışacağıq”.
ŞAİR ABDULLA
Digər xəbərlər
